Što za ŭpryhažeńnie było na Śviatłanie Cichanoŭskaj padčas navahodniaha zvarotu? I što abaznačajuć arnamienty na im?
Padčas navahodniaha zvarotu mnohija źviarnuli ŭvahu na stylovy vobraz Śviatłany Cichanoŭskaj — šakaładny aksamitny žakiet dapaŭniała ŭpryhažeńnie ź biełaruskim arnamientam na šyi. «Naša Niva» daviedałasia, chto stajaŭ za jaho stvareńniem.
Za źniešni vyhlad nacyjanalnaj lidarki ŭ kadry adkazvała imidž-stylistka ź vilenskaj CAPSULE STYLE ROOM.
Jana ŭžo šmat hadoŭ prafiesijna zajmajecca kansultacyjami pa imidžy, analizam harderobu i arhanizoŭvaje piersanalny šopinh dla klijentaŭ.
«Vobraz pradumvaŭsia pa koleravaj hamie i kampazicyi ŭ adpaviednaści z ahulnaj kancepcyjaj zdymkaŭ», — raskazała stylistka «Našaj Nivie».
Što tyčycca ŭpryhažeńnia na šyi, to jano było stvorana na zakaz śpiecyjalna pad zapis navahodniaha vinšavańnia.
Elemienty padvieski zroblenyja z kieramiki, na jakoj byli vyhraviravanyja arnamienty. Kožny ź ich maje svajo značeńnie.
Kryž u kvadracie — heta harmonija čatyroch stychij (viecier, vada, ziamla, ahoń) i abarona ad złoha. Bieły znak u vyhladzie kratak abaznačaje ŭradlivaść, paradak i dabrabyt. Treci arnamient-vuzieł — pra nierazryŭnuju suviaź pakaleńniaŭ i abaronu doma. Kvadratnaja ž placionka niasie ŭ sabie značeńnie ruchu napierad i pośpiechu (takija simvały časta sustrakajucca na biełaruskich ručnikach).
Košt takoha ŭpryhažeńnia na zakaz farmujecca sa šmatlikich składnikaŭ (łancužok, pamiery, ekspłuatacyjnyja materyjały), tamu jon zaŭsiody vahajecca. Pry žadańni nabyć padviesku, jak u Śviatłany Cichanoŭskaj, pišycie pra detali piersanalna stylistcy na jaje pracoŭnuju staronku ŭ instahramie.
«Naša Niva» — bastyjon biełaruščyny
PADTRYMAĆCiapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary