«Źmiena daty ŭ kalendary nie spyniaje vajny ni na chvilinu». Jak sustrakali i što jeli na Novy hod vajary Pałka Kalinoŭskaha?
Vajary Pałka Kalinoŭskaha sustrakali novy, 2026 hod, na bajavych pazicyjach, ale śviatočny stoł u ich taksama byŭ. Čym charčavalisia biełaruskija abaroncy Ukrainy ŭ navahodniuju noč?
Źmieścivam nakrytaha stała vajary padzialilisia ŭ telehram-kanale Pałka. Na im była ŭlubionaja mnohimi biełarusami kłasika — sieladziec pad futram, aliŭje, buterbrody sa šprotami, ruleciki z łavaša i krabavych pałačak, smažanaja kuryca. Byŭ navat chaładziec. Viadoma, nie abyšłosia i biez bulby.
«Źmiena daty ŭ kalendary nie spyniaje vajnu ni na chvilinu. Lohka nie budzie nikomu, i vajary pałka Kalinoŭskaha — nie vyklučeńnie. Ale tam, dzie inšyja apuskajuć ruki, my pierazaradžajemsia. Bo vorah pavinien zapłacić za ŭsio. Baraćba praciahniecca i ŭ Novym hodzie. Žyvie Biełaruś! Słava Ukrainie!», — takimi słovami supravadzili vajary svoj navahodni zvarot.
Kamientary