Ministr abarony Ukrainy śćviardžaje pra pieršyja bajavyja sutyknieńni z paŭnočnakarejskimi vajskoŭcami
Ministr abarony Ukrainy Rustem Umieraŭ 5 listapada paćvierdziŭ infarmacyju pra toje, što ŭkrainskija vajskoŭcy ŭstupili ŭ boj z vajskoŭcami KNDR upieršyniu paśla taho, jak Pchieńjan adpraviŭ svaje siły na dapamohu Rasii. Pra heta paviedamlaje vydańnie Politico.
U intervju paŭdniovakarejskim ŚMI Umieraŭ zajaviŭ, što pamiž USU i paŭnočnakarejskimi sałdatami adbylisia «nievialikija sutyknieńni», ale inšych padrabiaznaściaŭ nie padaŭ.
Na pytańnie, ci aznačaje heta, što Paŭnočnaja Kareja aficyjna ŭstupiła ŭ vajnu, Umieraŭ adkazaŭ: «Ja dumaju, što tak. Heta było sutyknieńnie».
«My čakajem bolš sutyknieńniaŭ u najbližejšyja tydni», — dadaŭ jon.
4 listapada Andrej Kavalenka, kiraŭnik Ukrainskaha centra supraćdziejańnia dezynfarmacyi, zajaviŭ, što paŭnočnakarejskija žaŭniery «ŭžo trapili pad abstreł» u Kurskaj vobłaści Rasii.
Pavodle źviestak Pientahona, bolš za 10 000 paŭnočnakarejskich žaŭnieraŭ na siońniašni dzień znachodziacca ŭ Kurskaj vobłaści, kab dapamahčy Rasii praciahvać vajnu suprać Ukrainy.
Ukrainskaja raźviedka paviedamiła pra pieršy vypadak bajavoha sutyknieńnia z vajskoŭcami KNDR
Paŭdniovakarejskaja raźviedka: Rasija zapłaciła za vajennuju dapamohu KNDR 700 tysiačami ton rysu
ZŠA vydzialajuć novuju dapamohu Kijevu na fonie dałučeńnia da vajny vajskoŭcaŭ KNDR
Źjaŭleńnie paŭnočnakarejskich vojskaŭ va Ukrainie — krok da Treciaj suśvietnaj?
8 tysiač karejcaŭ mohuć kinuć u boj na Kurščynie «najbližejšymi dniami»
ZŠA pryhrazili źniać abmiežavańni na zbroju dla Ukrainy, kali KNDR ustupić u vajnu
Ciapier čytajuć
«My kidali kamiani, kab jany nie ŭźlatali». Adnym z tych, chto sprabavaŭ spynić drony, što vylatali z fur, byŭ biełarus Anton43
Kamientary