Paŭdniovakarejskaja raźviedka: Rasija zapłaciła za vajennuju dapamohu KNDR 700 tysiačami ton rysu
700 tysiač ton rysu — heta kala 17 pracentaŭ ad hadavoj vytvorčaści rysu ŭ KNDR.
KNDR vyrašyła prablemu niedachopu charčavańnia na fonie vajennych pastavak u Rasiju i adpraŭki padraździaleńniaŭ śpiecnaza ŭ zonu bajavych dziejańniaŭ va Ukrainie, paviedamiła paŭdniovakarejskaja hazieta The Korea Herald. Maskva pastaviła Pchieńjanu kala 700 tysiač ton rysu, što na 600 tysiač ton bolš, čym adpraŭlała raniej, piša rasijskaja słužba «Radyjo Svaboda».
Takija danyja paŭdniovakarejskaja raźviedvalnaja słužba pradstaviła parłamienckamu raźviedvalnamu kamitetu, paviedamiŭ haziecie člen parłamienta, były pasoł Paŭdniovaj Karei ŭ Maskvie Vi Son Łak.
700 tysiač ton rysu — heta kala 17 pracentaŭ ad hadavoj vytvorčaści rysu ŭ KNDR, vynikaje ź jaho słoŭ. Rasijskija pastaŭki pakryvajuć amal pałovu deficytu rysu ŭ Paŭnočnaj Karei. Ciapier, kali Rasija kuplaje ŭ Paŭnočnaj Karei artyleryjskija snarady, značnaja častka deficytu charčavańnia «vierahodna, była likvidavana za košt handlu zbrojaj», — skazaŭ jon.
Pa padlikach niamieckaha fondu Frydrycha Naumana, Paŭnočnaja Kareja mahła pradać Rasii zbroju na sumu kala 5,5 miljardaŭ dołaraŭ. Hetaja suma supastaŭnaja z čverciu VUP krainy.
Raniej ahienctva Rionchap paviedamlała sa spasyłkaj na raźviedvalny dakład parłamientu, što Rasija adpraŭlaje Paŭnočnaj Karei zarpłaty za adpraŭlenych karejskich vajskoŭcaŭ. Havorka idzie pra sumy kala 2000 dalaraŭ u miesiac na adnaho čałavieka, što supastaŭna z zarpłataj rasijskaha kantraktnika ŭ zonie bajavych dziejańniaŭ.
Vierahodna, bolšaja častka hrošaj nie dachodzić da paŭnočnakarejskich vajskoŭcaŭ i ich siemjaŭ i zastajecca ŭ dziaržavy. Heta moža prynosić paŭnočnakarejskamu biudžetu 200 miljonaŭ dołaraŭ u hod. KNDR adčuvaje vostry niedachop valuty, hetyja hrošy stanuć surjoznym układańniem u biudžet krainy.
Akramia taho, piša The Korea Herald, u Rasii pracujuć kala 4 000 paŭnočnakarejskich rabočych, jakija prynosiać biudžetu prykładna 800 dołaraŭ u miesiac. Raniej prezident Ukrainy Uładzimir Zialenski paviedamlaŭ, što Rasija damaŭlajecca z KNDR ab pastaŭkach paŭnočnakarejskich rabočych na pramysłovyja pradpryjemstvy, jakija adčuvajuć vostry niedachop pracoŭnaj siły.
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek4
Kamientary