ZŠA pryhrazili źniać abmiežavańni na zbroju dla Ukrainy, kali KNDR ustupić u vajnu
Va Uzbrojenych sił Ukrainy (USU) nie budzie abmiežavańniaŭ na vykarystańnie amierykanskaj zbroi suprać paŭnočnakarejskich sałdat, kali tyja ŭstupiać u vajnu na baku Rasii, zajaviła aficyjnaja pradstaŭnica Minabarony ZŠA Sabryna Sinhch, piša The Moscow Times.
Na pytańnie, ci płanujuć u Vašynhtonie vyznačać jakija-niebudź ramki ŭ vypadku takoj eskałacyi, Sabryna Sinhch adkazała:
«Nie… Kali my ŭbačym, što vojski KNDR prasoŭvajucca da linii frontu, ja maju na ŭvazie, što jany źjaŭlajucca ŭdzielnikami vajny».
Pavodle acenak Pientahona, Paŭnočnaja Kareja adpraviła ŭ Rasiju 10 tysiač svaich žaŭnieraŭ.
«Častka ź ich užo pieramiaściłasia bližej da Ukrainy, i my ŭsio bolš zaniepakojenyja tym, što Rasija maje namier vykarystoŭvać ich u bajavych dziejańniach abo dla padtrymki apieracyj suprać USU ŭ Kurskaj vobłaści», — adznačyła Sinhch.
Pavodle jaje słoŭ, kali paŭnočnakarejskija vajskoŭcy źjaviacca na poli boju, «heta budzie aznačać dalejšuju eskałacyju i padkreślić rost adčaju prezidenta Uładzimira Pucina», a taksama paćvierdzić, što ŭ rasijskaj armii «bolš prablem, čym zdajecca».
Jana nahadała, što ŭkraincy zmahajucca za svaju suvierennuju terytoryju, a ZŠA ŭziali na siabie abaviazacielstvy, što praciahnuć padtrymlivać ich, čaho b heta ni kaštavała.
«Heta raźlik, jaki pavinna zrabić Paŭnočnaja Kareja, kali jana pasyłaje svaich sałdat na vajnu, dzie my nazirajem straty rasijan, jakija pieravyšajuć na hety momant 500 tysiač čałaviek», — padkreśliła Sinhch.
Pry hetym jana admoviłasia paćvierdzić prysutnaść vojskaŭ KNDR u Kursku.
«Chutčej za ŭsio, jany ruchajucca ŭ hetym kirunku… Ale pakul u mianie niama bolš padrabiaznaj infarmacyi», — udakładniła čynoŭnica.
Raniej u Kanhresie zaklikali Pientahon razhledzieć mahčymaść «pramych vajennych dziejańniaŭ», kali sałdaty KNDR ustupić u vajnu suprać Ukrainy. Staršynia Kamiteta pa pytańniach raźviedki Pałaty pradstaŭnikoŭ, respublikaniec Majk Ciornier zajaviŭ, što
«administracyja Bajdena — Charys pavinna vyrazna adznačyć, što ŭdzieł paŭnočnakarejskich vojskaŭ u hetym kanflikcie źjaŭlajecca čyrvonaj linijaj dla ZŠA».
Pierabiežčyki z Paŭnočnaj Karei prosiacca na Ukrainu, kab rasprapahandavać surodzičaŭ pa inšy bok frontu
NATA paćvierdziła prysutnaść vajskoŭcaŭ KNDR na Kurščynie
Pucin nie staŭ admaŭlać pierakidańnie vojskaŭ KNDR u Rasiju
Paŭdniovaja Kareja paabiacała adkaz na ŭciahvańnie KNDR u vajnu va Ukrainie
Ukraina apublikavała VIDEA ź dziasiatkami sałdat KNDR, jakija atrymlivajuć rasijskuju formu
HUR Ukrainy: U listapadzie na vajnie akažucca 11 000 sałdat z KNDR
Ciapier čytajuć
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary