Hienieralny sakratar NATA Mark Rute na bryfinhu 28 kastryčnika zajaviŭ, što moža paćvierdzić, što vajskoŭcy Paŭnočnaj Karei ŭžo zadziejničanyja ŭ Kurskaj vobłaści RF.
Rute raskazaŭ, što ranicaj delehacyja Paŭdniovaj Karei prainfarmavała NATA, a taksama Japoniju, Aŭstraliju i Novuju Ziełandyju pra toje, što jaje słužbam viadoma pra prysutnaść vajskoŭcaŭ KNDR u Rasii i ich pryciahnieńnie ŭ vajnu.
«Siońnia ja mahu paćvierdzić, što paŭnočnakarejskija vajskoŭcy byli adpraŭlenyja ŭ Rasiju i paŭnočnakarejskija padraździaleńni zadziejničanyja ŭ Kurskaj vobłaści», — skazaŭ jon.
Rute nazvaŭ uciahnieńnie vojskaŭ KNDR u vajnu «značnaj eskałacyjaj».
«NATA zaklikaje Rasiju i KNDR nieadkładna spynić hetyja dziejańni», — dadaŭ hienieralny sakratar.
Jon nahadaŭ, što pierad tym KNDR davała Rasii bojeprypasy i balistyčnyja rakiety. «U abmien na heta Pucin daje Paŭnočnaj Karei vajennyja technałohii i inšuju padtrymku dla abychodu mižnarodnych sankcyj», — adznačyŭ Rute.
Jon padkreśliŭ, što ŭ hetych umovach demakratyčnamu śvietu važna abjadnoŭvać namahańni ŭ abaronu ahulnych kaštoŭnaściej.
Rute nazvaŭ pryciahnieńnie paŭnočnakarejskich vajskoŭcaŭ na Kurščynie — «śviedčańniem rospačy Pucina».
«Bolš za 600 tysiač rasijskich vajskoŭcaŭ zabityja abo atrymali ranieńni ŭ vajnie Pucina, i jon nie moža padtrymlivać nastup na Ukrainu biez padtrymki z-za miažy … Sajuźniki ŭ NATA praciahnuć padtrymlivać svabodnuju i niezaležnuju Ukrainu, tamu što biaśpieka Ukrainy — heta naša biaśpieka«, — skazaŭ Mark Rute.
Na minułym tydni raźviedka Paŭdniovaj Karei paviedamiła, što Paŭnočnaja Kareja ŭžo adpraviła ŭ Rasiju 3 tysiačy vajskoŭcaŭ dla ŭdziełu ŭ vajnie suprać Ukrainy.
-
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
-
Novym hałoŭnakamandujučym USU staŭ hienierał-major Michaił Drapaty. Čym jon viadomy?
-
U akupavanym Maryupali paśla ataki dronaŭ zahareŭsia skład z palivam
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary
Ciapier bačna, što takoj mahutnaj, supier-pupier vajennaj aberžy naplavali ŭ tvar...i pakłali na jaje...niešta nieprystojnaje, jak heta pryniata ličyć. To bok, jak toj kazaŭ, "...savsem tibia etat HAI nie uvažiajt, ślušiaj. I mašina zabrał, i prava."