Łatvijski žurnalist Juryj Alaksiejeŭ źbieh u Biełaruś. Pra heta raspavioŭ karespandent RT Alaksiej Stefanaŭ.
«Ź viečara zachoŭvaju hetuju radasnuju navinu, ale ŭžo možna — sam Jura pierastaŭ chavać», — napisaŭ Stefanaŭ.
Pavodle Stefanava, Alaksiejeŭ nie spaŭ try nočy — rychtavaŭsia da ŭciokaŭ.
«Učora ranicaj vyjšaŭ z kvatery ŭ Ryzie, dabraŭsia na pierakładnych da Vilni, kupiŭ kvitok na aŭtobus da Minska i, chvalujučysia, prajšoŭ miažu», — raspaviadaje pra šlach Alaksieva jaho kaleha. — Zaraz Jura ŭ Minsku ŭ siabroŭ. Vyspaŭsia i prychodzić u siabie».
Juryj Alaksiejeŭ — adzin z samych viadomych rasijskamoŭnych žurnalistaŭ Łatvii. Z 1990 hoda jon pracavaŭ hałoŭnym redaktaram u šerahu dziełavych vydańniaŭ.
Potym byŭ hałoŭnym redaktaram sajta Imhoclub.lv. Słužba dziaržbiaśpieki Łatvii ŭ svajoj štohadovaj spravazdačy ŭkazvała, što sajt «ihraje peŭnuju rolu va ŭmacavańni rasijskaha infarmacyjnaha ŭpłyvu ŭ Łatvii», a jaje krynicy finansavańnia znachodziacca ŭ Rasii.
Rasśledavańniem jahonaj spravy ŭ listapadzie 2017 hoda zaniałasia Słužba dziaržaŭnaj biaśpieki. Pavodle jaje danych, z kastryčnika 2016 hoda pa śniežań 2017 hoda Alaksiejeŭ nieadnarazova publikavaŭ kamientaryi, jakija raspalvajuć mižnacyjanalnuju varožaść.
Padčas vobšukaŭ u jahonym domie, jak paviedamlała śpiecsłužba, byli znojdzienyja patrony dla pistaleta, a taksama nośbity infarmacyi ź dziciačaj parnahrafijaj.
U kastryčniku 2021 hoda sud pryhavaryŭ jaho da hoda i dvuch miesiacaŭ turmy. Alaksiejeva abvinavacili ŭ raspalvańni mižnacyjanalnaj varožaści, zachoŭvańni dziciačaj parnahrafii i bojeprypasaŭ.
Alaksiejeŭ nazyvaje svoj kryminalny pieraśled palityčnym.
Ciapier čytajuć
18‑hadovaha chłopca abvinavacili ŭ admaŭleńni hienacydu biełaruskaha naroda24
18‑hadovaha chłopca abvinavacili ŭ admaŭleńni hienacydu biełaruskaha naroda
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1111
Kamientary
Nie? Prosta kupiŭ kvitok i pryjechaŭ? Voś ža ŭciakač