Siłaviki sa zbrojaj žorstka zatrymali viaskoŭca z Mahiloŭščyny
Siłaviki zatrymali žychara vioski Łykava ŭ Mahiloŭskim rajonie z-za repostaŭ i łajkaŭ u «Adnakłaśnikach». Videa z žorstkim zatrymańniem mužčyny apublikavaŭ praŭładny kanał.
Zatrymanaha zavuć Alaksandr Łapačenka, jamu 42 hady, daviedałasia «Miedyjazona».
U roliku siłavikoŭ spačatku pakazana zatrymańnie Alaksandra. Ź mikraaŭtobusa vyskokvajuć dvoje supracoŭnikaŭ AMAPa, jany sa zbrojaj, u broniekamizelkach i šlemach, kidajuć mužčynu tvaram u ziamlu i pytajucca, ci viedaje jon, za što zatrymany. Alaksandr havoryć, što nie viedaje. Adzin ź milicyjantaŭ adkazvaje jamu: «Vy zatrymanyja za raspaŭsiud ekstremisckich materyjałaŭ, vinšuju vas».
Dalej adzin ź milicyjantaŭ pytajecca: «Jak zatrymali vas, pryhoža»? Alaksandr adkazvaje: «Vielmi».
Pa jakich mienavita artykułach zatrymany Alaksandr Łapačenka — nieviadoma, siłaviki pišuć, što jon «zarabiŭ administracyjnyja pratakoły i kryminalnuju spravu».
Kamientary