Сілавікі затрымалі жыхара вёскі Лыкава ў Магілёўскім раёне з-за рэпостаў і лайкаў у «Аднакласніках». Відэа з жорсткім затрыманнем мужчыны апублікаваў праўладны канал.
Затрыманага завуць Аляксандр Лапачэнка, яму 42 гады, даведалася «Медыязона».
У роліку сілавікоў спачатку паказана затрыманне Аляксандра. З мікрааўтобуса выскокваюць двое супрацоўнікаў АМАПа, яны са зброяй, у бронекамізэльках і шлемах, кідаюць мужчыну тварам у зямлю і пытаюцца, ці ведае ён, за што затрыманы. Аляксандр гаворыць, што не ведае. Адзін з міліцыянтаў адказвае яму: «Вы затрыманыя за распаўсюд экстрэмісцкіх матэрыялаў, віншую вас».
Далей адзін з міліцыянтаў пытаецца: «Як затрымалі вас, прыгожа»? Аляксандр адказвае: «Вельмі».
Па якіх менавіта артыкулах затрыманы Аляксандр Лапачэнка — невядома, сілавікі пішуць, што ён «зарабіў адміністрацыйныя пратаколы і крымінальную справу».
Апытанка
Прапаганда рыхтуе грамадства да загадкавай «працяглай камандзіроўкі» Лукашэнкі39
Каментары