Intryha zachoŭvajecca na vybarach i refierendumie ŭ Małdovie
Vioska prahałasavała na refierendumie pa intehracyi ŭ ES «suprać», ale hałasy Kišyniova i dyjaspary mohuć usio źmianić. Taksama pakul niajasna, ź jakim adryvam pieramahaje Maja Sandu.
Prezidenckija vybary i refierendum ab ustupleńni Małdovy ŭ ES prajšli ŭ niadzielu 20 kastryčnika.
Dziejny prezident Maja Sandu pieramahaje. Pa vynikach apracavanych 98% biuleteniaŭ, za jaje prahałasavała 42% vybarcaŭ, za jaje asnoŭnaha supiernika Alaksandra Stajanohła — 26%. Budzie druhi tur vybaraŭ.
Pa referendumie pra ES CVK apracavaŭ 98% biuleteniaŭ. Ruch u ES padtrymała 49,94% vybarcaŭ, suprać vykazałasia 50,06%.
Zastałosia apracavać biuleteni zamiežža, što aznačaje: «za» ES, chutčej za ŭsio, atrymaje nievialikuju pieravahu. A adryŭ Sandu jašče trochi vyraście.
Vybarščyki atrymlivali dva biuleteni. Pieršy, šeraha koleru, ź pieralikam kandydataŭ u prezidenty. A druhi, fijaletavy, z tekstam papravak u Kanstytucyju i pytańniem ab tym, ci padtrymlivajuć jany źmianieńnie Kanstytucyi z metaj dałučeńnia Małdovy da ES.
Zhodna z danymi CVK, prahałasavała 51,5% vybarcaŭ.
Kab hałasavańnie było pryznana sapraŭdnym, treba było pieraadoleć paroh vybarčaj jaŭki ŭ 33%.
Na post prezidenta pretendavała 11 kandydataŭ. Novym kiraŭnikom krainy stanie toj, chto nabiare absalutnuju bolšaść hałasoŭ. Kali nichto nie zaručycca takoj padtrymkaj, to praz dva tydni pravodzicca druhi tur prezidenckich vybaraŭ.
Ciapier čytajuć
Zamiest vajny słany ŭ novaj knizie Sašy Filipienki. I Maskva3
Kamientary