Nieruchomaść88

Kvatery jeŭrafarmatu nabirajuć papularnaść u Biełarusi

Tak zvanyja jeŭradvuški i jeŭratroški ŭsio čaściej sustrakajucca na biełaruskim rynku novaha žytła, patrochi vyciskajučy kłasičnyja kvatery.

Sučasnaja kvatera ŭ jeŭrafarmacie. Fota: realt.by

Žytło na zachodniejeŭrapiejski manier

Jeŭradvuški pryjšli da nas z krain Zachodniaj Jeŭropy. Tam kvatery takoha farmatu pačali źjaŭlacca jašče ŭ kancy 1970-ch. U Biełarusi jeŭrakvatery zabudoŭščyki pačali budavać tolki z 2010-ch.

Papiarednikami sučasnych jeŭradvušak i jeŭratrošak možna nazvać pieraroblenyja kvatery staroha typu, dzie ciesnyja kuchni haspadary złučali z haścioŭniami.

Prykład pieraroblenaj kvatery ŭ Minsku ŭ domie 1973 hoda pabudovy. Fota: realt.by

Abjadnańnie kuchonnaj zony z haścioŭniaj daje mahčymaść atrymać bolš prastornaje pamiaškańnie.

Tamu jeŭradvuški ci jeŭratroški kaštujuć tańniej, čym kłasičnyja kvatery, dzie kuchnia — heta asobnaje izalavanaje pamiaškańnie. Mienavita z-za cany taki farmat žytła stanovicca ŭsio bolš papularnym.

Što lepiej?

Što tyčycca zručnaści i praktyčnaści, tut niama adnaznačnaha adkazu, što lepš. Z adnaho boku, kuchnia-haścioŭnia daje mahčymaść sačyć za padrychtoŭkaj ježy z kanapy abo, naadvarot, hladzieć televizar ci słuchać muzyku z kuchonnaj zony. Heta taksama moža być zručna, kali vam adnačasova treba hatavać ježu i pryhladać za małym dziciom.

Ź inšaha boku, pach i šum ad hatavańnia raspaŭsiudžvajucca na haścioŭniu. I, badaj, samaje hałoŭnaje, što ŭ kvaterach jeŭrafarmatu na adno izalavanaje pamiaškańnie mienš, što asabliva adčuvalna, kali havorka idzie pra jeŭradvušku.

Sučasnaja kvatera ŭ jeŭrafarmacie, kali kuchnia, haścioŭnia i kalidor heta adno prastornaje pamiaškańnie. Fota: realt.by

Ale, tym nie mienš, taki farmat kvater nabiraje papularnaść, asabliva ŭ bujnych haradach. U krainach Jeŭropy jeŭrakvatery amal całkam vycieśnili z rynku novabudoŭlaŭ kvatery z asobnymi kuchonnymi pakojami.

Papularnaść kvater jeŭrafarmatu taksama raście i ŭ Biełarusi.

Što z cenami?

Ceny na jeŭradvuški, naprykład, u novabudoŭlach Novaj Baravoj startujuć z 61 500 dalaraŭ za kvateru płoščaj kala 37 «kvadrataŭ». Takoje žytło składajecca sa spalni na 11 m² i kuchni-haścioŭni na 18 m².

Fota: skrynšot z sajta newbor.by

Kali b na toj ža płoščy byli asobnyja haścioŭnia i kuchnia, to abodva pamiaškańni byli b vielmi małymi pa pamierach. Da taho ž, dadatkovyja, navat nie niasučyja ścieny, krychu źjadajuć prastoru. Tamu časta vybar na karyść jeŭrafarmatu — heta ŭ pieršuju čarhu ekanomija.

Dla paraŭnańnia, paŭnavartasnyja dvuchpakajovyja kvatery ŭ toj ža Novaj Baravoj majuć 54 kvadratnyja mietry i kaštujuć užo ad 87 tysiač dalaraŭ.

Pry hetym u niekatorych novych damach, jakija budujuć u Minsku, kłasičnych kvater užo nie isnuje. Adnak papularnaść jeŭrakvater raście nie tolki ŭ stalicy.

Płaniroŭka kvater u 18-paviarchovym panelnym domie na ŭskrainie Hrodna ad dziaržzabudoŭščyka «Hrodnažyłbud». Fota: ghb.by

Tak, naprykład, navat u samym zvyčajnym 18-paviarchovym panelnym domie na ŭskrainie Hrodna 4 z 7 kvater na paviersie — heta ŭžo jeŭradvuški i jeŭratroški.

Kamientary8

  • Chtaničny vaŭkałak
    08.10.2024
    Luboje abyšto pišy z prystaŭkaj "ieŭra-" i stryžy hrošyki. Markietynh - ničoha asabistaha! Kali ŭžo ludzi pačnuť dumać svaimi hłuzdami i adroźnivać sapraŭdnyja kaštoŭnyja rečy ad pustyšak?!
  • ES
    08.10.2024
    Raz už načali viezdie sovať pristavku -jevro, to možiet śledovało by jeje korriektno ispolzovať, tak kak eto diełajut v Jevropie, otkuda i pošli takije płanirovki? Jeśli nie ošibajuś, to po standartam ES one bedroom apartment, sčitajetsia to, hdie jesť krovať, t.ie. kohda jesť obosoblennaja, izolirovannaja spalnia s krovaťju, i nie važno kakaja tam płoŝad́ kuchni-zała-hostinnoj. Poetomu jevrodvuška po jevropiejskim standartam eto kvartira, hdie dołžno byť dvie otdielnyje spalni, a nie odna spalnia s kuchniej-hostinoj. Poetomu kvartiru s odnoj spalniej i s kuchniej-hostinoj pravilno nazyvať jevroodnuškoj, a nie jevrodvuškoj. Po krajniej mierie takije standarty v nazvanii ispolzujutsia v Ispanii.
  • Ja
    08.10.2024
    Očień udobno, osobienno dla sovriemiennoj mołodieži. Kačiestviennaja vytiažka ubirajet zapachi, hotoviat mało, iz połufabrikatov. Zato možno obšaťsia, bolšoje otkrytoje prostranstvo. Prieimuŝiestva ocieniła na sobstviennom opytie.

Ciapier čytajuć

Biełaruska raskazvaje, jak z 15 hadoŭ žyvie z šyzafrenijaj17

Biełaruska raskazvaje, jak z 15 hadoŭ žyvie z šyzafrenijaj

Usie naviny →
Usie naviny

Advakat łatvijskaha baskietbalista Cimy: Z rasijskaha morha jaho addali hołym, biez hrymu i balzamacyi1

Na praciahu dvuch sutak ZŠA prymuć rašeńnie ab mahčymym dałučeńni da vajennych dziejańniaŭ suprać Irana6

Ankołah Karanik vystupiŭ z dakładam ab zachavańni bujnoj rahataj žyvioły14

Maładuju minskuju jurystku, jakaja ciapier zajmajecca dyzajnam interjeraŭ, asudzili za ŭdzieł u pratestach7

Taŭro «Słava Rasii» na žyvacie ŭkrainskaha pałonnaha. Chto i navošta moh heta zrabić i ci možna jaho vyvieści?2

Učora viečaram i siońnia ranicaj u Biełarusi naziralisia sierabrystyja abłoki1

Na zarobki ŭ Polšču ciapier tolki z DNŽ? Razabralisia, chto moža pracaŭładkavacca tam pa novych praviłach14

Z-pad zavałaŭ šmatpaviarchovika ŭ Kijevie nočču dastali jašče piać ciełaŭ, kolkaść zahinułych dasiahnuła 21

U Biełarusi pačynajuć pradavać elektrakary za 20 900 rubloŭ. Ale vyhladajuć jany vielmi niezvyčajna2

bolš čytanych navin
bolš łajkanych navin

Biełaruska raskazvaje, jak z 15 hadoŭ žyvie z šyzafrenijaj17

Biełaruska raskazvaje, jak z 15 hadoŭ žyvie z šyzafrenijaj

Hałoŭnaje
Usie naviny →

Zaŭvaha:

 

 

 

 

Zakryć Paviedamić