«Jabaćki spałochalisia, što vajna, akazvajecca, pobač». Jak u Homieli abmiarkoŭvajuć vybuchi bieśpiłotnikaŭ nad horadam
Niadaŭnija vybuchi ad źbitych rasijskich bieśpiłotnikaŭ nad homielskim niebam vyklikali vialiki rezanans u ŚMI, kanałach i sacsietkach. Ale bolš za ŭsio padzieja ŭraziła miascovaje nasielnictva, jakoje, choć i pryzvyčaiłasia z 2022 hoda žyć z uśviedamleńniem niebiaśpieki, ale ŭsio adno nie bačyła vajnu tak blizka. Nazirańniami, jak reahavali na vybuchi ŭ noč z 4 na 5 vieraśnia homielcy, padzialilisia čytačy vydańnia «Štodzień».
Paškodžany reštkami źbitaha drona budynak składu ŭ Navabielicy. Fota: «Biełaruski Hajun»
«Ceły dzień (5 vieraśnia) ludzi ŭ Homieli abmiarkoŭvali nastupstvy načnoj akcyi pa źbićci BPŁA. Havorać, što huki vybuchaŭ było dobra čuvać u vakolicach «Kryštala» na Navabielicy. Pa centry rajona tak babachnuła, što ažno siam-tam škło vylatała, dźviery treślisia. Na rajonie «Fiestyvalny» ludzi čuli taksama, što niešta zdaryłasia.
U pačatku poŭnamaštabnaha ŭvarvańnia rasijskich vojskaŭ u Homieli taksama čuvać było, jak pieramiaščajucca vialikija transpartnyja samaloty, źniščalniki. Kali ciažkija vajskovyja samaloty pranosilisia ŭ niebie, stajaŭ huł taki strašny. Tamu mnohija miascovyja navučylisia pa huku adroźnivać vajskovyja samaloty. Karaciej, tut «viesieła», ale šachiedy jašče nie lotali…»
Paškodžany reštkami źbitaha drona budynak składu ŭ Navabielicy. Fota: «Biełaruski Hajun»
«Cikava, što biełaruskija vajskoŭcy ŭ aficyjnych kamientarach ničoha kankretnaha nie havaryli. Maŭlaŭ, peŭna, što heta byli BPŁA i ŭsio. A voś prapahandysty z BT, pakazvajučy naviny, skazali ŭ takim rečyščy: «Raniej z boku Ukrainy drony taksama zalatali. Heta nie pieršy vypadak, bła-bła-bła». Karaciej, Ukraina ŭ ich dakładna vinavataja. Heta śpiecyjalna robicca, kab našyja ludzi złyja byli na Ukrainu.
Ale ž u Homieli dziŭny nastroj: navat vata zakaraniełaja nie kamientuje, chto heta zrabiŭ. Jany chodziać i raskazvajuć, jak babachnuła, jak strašna im było. Pakul niama vysnoŭ, što heta adnyja ci inšyja. A narmalovyja ludzi pa zrazumiełaj pryčynie maŭčać. I takich vielmi šmat…»
«Na dziaržaŭnych pradpryjemstvach ideołahi pramyvajuć supracoŭnikam mazhi, što nie treba daviarać nieaficyjnym krynicam. A słuchać tolki zajavy Minabarony. U čatach zavodaŭ raspaŭsiudžvajuć paviedamleńni suprać raspaŭsiudu čutak pra zdareńnie…
Ale tema ŭsio adno aktyŭna prahavorvajecca. Ja i ŭ hramadskim transparcie čuŭ, i ŭ kramach. Śpiecyjalna nie padsłuchoŭvaŭ, ale paŭsiul vybuchi abmiarkoŭvajuć. Pakul admašku nie dali ŭsim amataram RF kryčać, što Ukraina BPŁA adpraŭlaje, to nichto heta i nie havoryć.
Prychilniki režymu spałochalisia nie tamu, što kamientavać asabliva nielha, ale jany «abasralisia», što da ich prylacieła. Vajna ž «daloka», a tut, akazvajecca, pobač. Dobra, što nie trapiła ŭ žyły budynak, a na skład meblevaj fabryki, jakaja daŭno nie isnuje. Niama tam bolš fabryki, dyk jašče i drony padajuć. A kab, nie daj Boža, u žyły budynak trapiła?!
Karaciej, vajna sapraŭdnaja strašnaja, kali jaje bačyš na svaje vočy, a nie na ekranie televizara».
Mazyrskija prapahandysty pierabłytali rasijskija drony z ukrainskimi
«Nie bałbačy i nie panikuj, a to pasadzim». Prapahanda ŭ zamiašańni paśla źbićcia rasijskich šachiedaŭ nad Biełaruśsiu
U Biełaruś za noč zalacieli nie mienš za vosiem šachiedaŭ. Adzin ź ich źbiła SPA Rasii
U Homielskaj vobłaści ŭnačy źbili dva rasijskija šachiedy
Ciapier čytajuć
Hałyhina prymusili apraŭdvacca za zvarot da siłavikoŭ u 2020-m14
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary