Hramadstva99

«Nie bałbačy i nie panikuj, a to pasadzim». Prapahanda ŭ zamiašańni paśla źbićcia rasijskich šachiedaŭ nad Biełaruśsiu

Upieršyniu ź lipienia, kali šachiedy stali anamalna časta zalatać u Biełaruś, źjavilisia videadokazy ich źniščeńnia ŭ biełaruskim niebie. Ihnaravać hetuju źjavu stała niemahčyma, tamu łukašenkaŭskija i pucinskija prapahandysty pasprabavali dać usiamu hetamu tłumačeńnie. Vyjšła supiarečliva.

Reakcyi łukašenkaŭskich prapahandystaŭ na źniščeńnie rasijskich šachiedaŭ u pavietranaj prastory Biełarusi. Kałaž: «Naša Niva»

Ź siaredziny lipienia na fonie advodu biełaruskaha vojska ad miažy z Ukrainaj rasijskija bieśpiłotniki stali anamalna časta ŭryvacca ŭ pavietranuju prastoru Biełarusi. Niapłanavaść takich zalotaŭ paćviardžajecca tym, što ŭžo druhi raz biełaruskaja avijacyja źniščaje rasijskija šachiedy na poŭdni krainy (pieršaje takoje źbićcio, pavodle «Biełaruskaha Hajuna», adbyłosia 29 žniŭnia).

Hetaja noč admietnaja tym, što adrazu vosiem rasijskich šachiedaŭ zalacieli ŭ Biełaruś, dva ź jakich byli źbityja nad Homielem i Chojnickim rajonam, što ŭpieršyniu było zafiksavana na videa. Biełaruskaje Minabarony potym paćvierdziła, što pryniało rašeńnie źniščyć bieśpiłotniki.

Unačy ŭ Biełaruś zalacieli jak minimum vosiem rasijskich šachiedaŭ. Dva ź ich byli źniščanyja biełaruskaj avijacyjaj i SPA na poŭdni krainy. Infahrafika: manitorynhavy prajekt «Biełaruski Hajun»

Fakt zdymki zvyčajnymi biełarusami momantaŭ źbićcia šachiedaŭ nad Biełaruśsiu vyklikaŭ masavaje abureńnie łukašenkaŭskich prapahandystaŭ i siłavikoŭ, jakija pačali pahražać biełarusam «doŭhaj i ciažkaj turmoj» za raspaŭsiud infarmacyi pra rasijskija bieśpiłotniki.

Prapahanda stała zaklikać ludziej maŭčać i nie panikavać, supravadžajučy svaje dopisy viadomym savieckim płakatam «Nie bałbačy, a to da dziaržzdrady niedaloka!».

Charakterna, što bolšaja častka takich dopisaŭ prapahandy źjaviłasia tolki ranicaj, praz 8-10 hadzin paśla niepasrednaha źbićcia šachiedaŭ. U momant zalotu bieśpiłotnikaŭ u pavietranuju prastoru Biełarusi nie było nijakaha aficyjnaha apaviaščeńnia nasielnictva, ludzi daviedvalisia pra niebiaśpieku tolki ź niezaležnych biełaruskich i ŭkrainskich telehram-kanałaŭ.

Kamientar Minabarony Biełarusi taksama źjaviŭsia tolki ranicaj. U im nie była paznačanaja kraina pachodžańnia źbitych bieśpiłotnikaŭ.

Toje, što Minabarony aficyjna nie nazvała, jakoj krainie naležali źniščanyja ŭnačy bieśpiłotniki, nie tolki ŭniesła raźjadnanaść u stan łukašenkaŭskaj prapahandy, ale i kinuła vyklik viersii niekatorych rasijskich Z-vajenkaraŭ.

Tak, niahledziačy na viersiju Minabarony (jakaja dahetul nie źmianiłasia), prapahandyst Alaksandr Špakoŭski ŭžo paśpieŭ abvinavacić va ŭsim Ukrainu, nazvaŭšy zalot bieśpiłotnikaŭ «pravakacyjaj kijeŭskaha režymu napiaredadni prezidenckich vybaraŭ u Biełarusi».

Razam sa Špakoŭskim abvinavacili Ukrainu i niekatoryja rasijskija Z-kanały. Naprykład, viadomy prapahandyst Uładzisłaŭ Paźniakoŭ u momant źbićcia šachiedaŭ u biełaruskim pavietry apublikavaŭ dopis ź videa ab tym, što USU atakujuć Biełaruś.

A vajenkar Rybar źviazaŭ načnyja padziei z historyjaj u žniŭni, kali Łukašenka spravazdačyŭsia ab źbićci nibyta ŭkrainskich bieśpiłotnikaŭ nad Biełaruśsiu. Prytrymlivajučysia svajoj łohiki, vajenkar zajaviŭ, što Ukraina praciahvaje vykarystoŭvać biełaruskaje nieba dla napadaŭ na Rasiju.

U toj ža momant adzin z łukašenkaŭskich kanałaŭ adznačyŭ, što źbityja nad Biełaruśsiu drony mahli naležać lubomu z bakoŭ vajny va Ukrainie, zapeŭnivajučy, što biełaruskija orhany zaŭsiody prytrymlivajucca pryncypaŭ abjektyŭnaści i nie robiać paśpiešnych hałasłoŭnych zajaŭ z abvinavačvańniami.

Hetaja ŭpeŭnienaść prapahandysta rezka kantrastuje jak minimum z tym, jak u pačatku žniŭnia Łukašenka adrazu abvinavaciŭ Ukrainu paśla źbićcia nieviadomych bieśpiłotnikaŭ.

Kamientary9

  • Hańba
    05.09.2024
    Drazdy, u schoviščy!
  • Homiel
    05.09.2024
    Vpiervyje s 1944 hoda na naši doma, hdie živut naši dieti, naši babuški, kotoryje jeŝie pomniat užasy Vtoroj Mirovoj vojny, načali priletať i vzryvaťsia rośsijskije drony s bojehołovkami. Vot tak Łukašienko prinies vojnu na našu mnohostradalnuju ziemlu. 80 let nad našiej stranoj było mirnoje niebo, no iz-za priestupnych diejstvij Rośsii, s połnoho sohłasija libo popustitielstva so storony Łukašienko, rośsijskije bojevyje drony i snariady načali vzryvaťsia nad Biełaruśju. Biełarusy etoho nikohda nie prostiat, ni Rośsii, ni Łukašienko.
  • Chacha
    05.09.2024
    Ja v rb i 4 hod inohda pišu v ekstriemistskije boty, čujka nie podvodit i nužno šievieliť mozhami kohda śnimaješ/pišieš i kuda otpravlaješ i prodołžu otpravlať jeśli čto

Biełaruska raskazvaje, jak z 15 hadoŭ žyvie z šyzafrenijaj19

Biełaruska raskazvaje, jak z 15 hadoŭ žyvie z šyzafrenijaj

Usie naviny →
Usie naviny

Advakat łatvijskaha baskietbalista Cimy: Z rasijskaha morha jaho addali hołym, biez hrymu i balzamacyi1

Na praciahu dvuch sutak ZŠA prymuć rašeńnie ab mahčymym dałučeńni da vajennych dziejańniaŭ suprać Irana6

Ankołah Karanik vystupiŭ z dakładam ab zachavańni bujnoj rahataj žyvioły14

Maładuju minskuju jurystku, jakaja ciapier zajmajecca dyzajnam interjeraŭ, asudzili za ŭdzieł u pratestach7

Taŭro «Słava Rasii» na žyvacie ŭkrainskaha pałonnaha. Chto i navošta moh heta zrabić i ci možna jaho vyvieści?2

Učora viečaram i siońnia ranicaj u Biełarusi naziralisia sierabrystyja abłoki1

Na zarobki ŭ Polšču ciapier tolki z DNŽ? Razabralisia, chto moža pracaŭładkavacca tam pa novych praviłach14

Z-pad zavałaŭ šmatpaviarchovika ŭ Kijevie nočču dastali jašče piać ciełaŭ, kolkaść zahinułych dasiahnuła 21

U Biełarusi pačynajuć pradavać elektrakary za 20 900 rubloŭ. Ale vyhladajuć jany vielmi niezvyčajna2

bolš čytanych navin
bolš łajkanych navin

Biełaruska raskazvaje, jak z 15 hadoŭ žyvie z šyzafrenijaj19

Biełaruska raskazvaje, jak z 15 hadoŭ žyvie z šyzafrenijaj

Hałoŭnaje
Usie naviny →

Zaŭvaha:

 

 

 

 

Zakryć Paviedamić