Paralimpijcu i praŭładnamu aktyvistu Alaksieju Tałaju znajšli rolu ŭ čarhovym rasijskim filmie pra Druhuju suśvietnuju vajnu. Jon vykłaŭ fota sa zdymačnaj placoŭki ŭ sacsietki.
Havorka idzie pra film «U śpisach nie značyŭsia» pa adnajmiennym ramanie Barysa Vasiljeva. Siarod stvaralnikaŭ čarhovaj prapahandysckaj karciny — fanat vajny va Ukrainie, rasijski akcior Uładzimir Maškoŭ.
Pačynali zdymać kino ŭ Minsku ŭ Vierchnim horadzie (tady minčuki ździŭlalisia raściažcy «Pracavać treba tak, kab tavaryš Stalin dziakuj skazaŭ»). A ciapier praca nad stužkaj praciahnułasia ŭ Bresckaj krepaści. Fota adtul i apublikavaŭ Tałaj. Jon hraje nievialikuju rolu paranienaha sałdata.
U svaim telehram-kanale Tałaj udakładniŭ, što jahony ŭdzieł u filmie — heta «dobryja nastupstvy sustrečy ŭ Kramli z Uładzimiram Maškovym. Čaroŭny čałaviek, siabar i brat…».
Heta nie pieršy dla Tałaja dośvied zdymak u kino. Raniej paviedamlałasia, što «Biełaruśfilm» abiacaje ŭ honar svajho 100-hodździa pakazać šerah dakumientalnych stužak. Siarod anansavanych filmaŭ byŭ adzin, jaki pryśviačajecca dramatyčnaj bijahrafii Alaksieja Tałaja. Nahadajem: jon straciŭ ruki i nohi ŭ 16 hadoŭ z-za vybuchu snarada časoŭ Druhoj suśvietnaj. Staŭ płyŭcom-paralimpijcam, a paśla 2020 hoda vyjaviŭ siabie jak prałukašenkaŭski i prarasijski aktyvist.
Fond Alaksieja Tałaja miž inšaha zajmajecca vyvazam dziaciej z časova akupavanych Rasijaj terytoryj Ukrainy. Praz heta jaho zasnavalnik trapiŭ pad sankcyi Jeŭrapiejskaha sajuza, ZŠA i Kanady.
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary