Minabarony Vialikabrytanii acaniła, kolki vahnieraŭcaŭ mahło zastacca ŭ Biełarusi i Afrycy
«Ahulny štat najmitaŭ «Vahniera» ź minułaha hoda skaraciŭsia ŭ dziesiać razoŭ».
Jak piša Ministerstva abarony Vialikabrytanii ŭ tvitary (X), jašče hod tamu na momant śmierci Jaŭhiena Pryhožyna ŭ avijakatastrofie ahulnaja kolkaść vahnieraŭcaŭ składała kala 50 tysiač čałaviek, a ciapier ich u dziesiać razoŭ mienš.
Pavodle ministerstva, rešta najmitaŭ ciapier znachodzicca vyklučna ŭ Biełarusi i niekatorych krainach Afryki.
«Paśla śmierci klučavych lidaraŭ PVK «Vahnier», arhanizacyja stała mocna razdrobnienaj, i mnohija z kamandziraŭ, jakija zastalisia ŭ žyvych, pakinuli jaje šerahi na karyć rasijskaj armii, kadyraŭskaha «Achmata» i druhoj rasijskaj PVK «Redut».
Bolšaja častka vieteranaŭ «Vahniera» taksama pajšła, i ŭsiaho najmitaŭ zastałosia kala 5 tysiač, jakija dziejničajuć u Biełarusi i Afrycy», — paviedamlaje brytanskaje viedamtsva.
Kali sumiaścić hetyja danyja ź niadaŭnimi padlikami biełaruskaj manitorynhavaj hrupy «Biełaruski Hajun», to amal usie vahnieraŭcy ciapier znachodziacca ŭ Afrycy, bo ŭ Biełarusi ich kolkaść moža vyličacca ŭsiaho sotniaj čałaviek.
Nahadajem, što kiraŭnik PVK «Vahnier» Jaŭhien Pryhožyn zahinuŭ 23 žniŭnia 2023 hoda ŭ vyniku avijakatastrofy nad Ćviarskoj vobłaściu — praz dva miesiacy paśla ŭzbrojenaha buntu, arhanizavanaha strukturami PVK «Vahnier». Vyniki rasśledavańnia krušeńnia samalota tak i nie byli apublikavanyja.
Ciapier čytajuć
Rabotnicy «Minsk-Areny» dali kałoniju za «sadziejničańnie ekstremizmu»1
Rabotnicy «Minsk-Areny» dali kałoniju za «sadziejničańnie ekstremizmu»
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8989
Kamientary