Źjavilisia kadry, jak śćviardžajecca, z nacielnaj kamiery admina vahnieraŭskaha kanała Grey Zone u apošnija chviliny jahonaha žyćcia
Videa apublikavali ŭ siabie rasijskija vajenkary.
Rasijskija z-kanały pačali raspaŭsiudžvać videa z nacielnaj kamiery adnaho z vahnieraŭcaŭ u Mali, dzie pakazany momant ich atačeńnia paŭstancami tuarehami. Jak śćviardžajuć vajenkary, kamiera mahła naležać adminu bujnoha vahnieraŭskaha telehram-kanału Grey Zone Mikicie Fiadzianinu, jaki razam z bolšaściu najmitaŭ byŭ zabity tuarehami.
Na videa bačna, jak vahnieraviec dapamahaje svaim kaleham-najmitam adnosić skryniu z bojeprypasami ŭ biaśpiečnaje miesca kala broniemašyn, a zatym jany zajmajuć kruhavuju abaronu, adstrelvajučysia ad tuarehaŭ.
Nahadajem, što vialikaja kałona vahnieraŭcaŭ i sałdat prarasijskaj chunty Mali ŭ kancy lipienia trapiła ŭ zasadu malijskich paŭstancaŭ tuarehaŭ i bajevikoŭ miascovaha filijału «Al-Kajdy». U toj dzień pa roznych padlikach mahło zahinuć ad 30 da 90 vahnieraŭcaŭ, što stała adnoj z najvialikšych adnamomantnych strat «Vahniera» za ŭsiu jaho historyju.
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak44
Kamientary