U Afrycy moža vybuchnuć jašče adna vialikaja vajna. I vahnieraŭcy kruciacca pobač
Rasijskija najomniki atabarylisia nastała ŭ Centralna-Afrykanskaj Respublicy, a ciapier i Burundzi ŭziało kurs na Rasiju. U toj ža čas Demakratyčnaja Respublika Konha zastajecca sajuźnikam ZŠA i Jeŭrasajuza. Vajaŭničaja ž Ruanda maje svaje pryvatnyja intaresy.
Jak piša Bloomberg, u toj čas jak suśvietnyja lidary sprabujuć praduchilić poŭnamaštabnuju vajnu pamiž Izrailem i «Chiezbałoj», jość jašče adzin ačah kanfliktu, jaki moža vybuchnuć vajnoju. U kanflikt uciahnutyja Demakratyčnaja Respublika Konha (DRK) i Ruanda. Vajna pamiž imi bušavała ŭ 1998—2003 hodach (u joj vajavała i Uhanda).
Uhanda i Ruanda padtrymlivajuć mahutnuju hrupoŭku paŭstancaŭ M23 na ŭschodzie DRK. Pryčyna — imknieńnie kantralavać bahatyja syravinnyja resursy tam. Na krainu prypadaje 70% suśvietnych pastavak kobaltu. Jaje nietry bahatyja vołavam, valframam, lityjem i zołatam. DRK — kraina, zasielenaja roznymi plamionami i narodami. I situacyja na ŭschodzie krainy, jakaja isnuje ciapier, skłałasia ŭ pieryjad hramadzianskaj vajny 1990-ch, paśla padzieńnia dyktatury Mabutu.
Pa źviestkach Mižnarodnaha enierhietyčnaha ahienctva, u pieryjad z 2022 pa 2050 hady popyt na nikiel padvoicca, kobalt — patroicca, a na lityj — vyraście ŭ 10 razoŭ. Kitaj, ZŠA i inšyja suśvietnyja dziaržavy imknucca zamacavacca ŭ rehijonie.
Pa acenkach ekśpiertaŭ, u rehijonie dziejničaje kala 120 uzbrojenych hrupovak, siarod jakich i farmiravańni PVK «Vahnier», jakija naniatyja roznymi bakami.
Konha naroščvaje zapasy zbroi. Vydatki krainy na braniatechniku, bieśpiłotniki i inšyja ŭzbrajeńni za 2023 hod pakazali samy vysoki rost u śviecie.
Sproby ŭłahodzić kanflikt pamiž DRK i Ruandaj robiać ZŠA, Kitaj, Šviejcaryja i Arabskija Emiraty, jakija majuć svaje ekanamičnyja intaresy. U vyrašeńni kanfliktu mirnym šlacham prymajuć udzieł lidary takich krain, jak Anhoła, PAR, Nihieryja i Kienija. Ale paśla «epidemii» pieravarotaŭ parušany aŭtarytet Afrykanskaha sajuza — kantynientalnaha lidara, — i heta ŭskładniaje šlach da miru.
Pakul sproby zaklučyć mirnaje pahadnieńnie pravalilisia. Pamiž kanfliktujučymi bakami dziejničaje humanitarnaje pieramirje. Pry hetym uzbrojenyja sutyknieńni praciahvajucca.
U vypadku vajny ŭ jaje mohuć być uciahnutyja nie tolki DRK i Ruanda, ale i Uhanda z Burundzi, a taksama susiednija Anhoła, Respublika Konha, Tanzanija, Kienija, Zambija.
Ciapier čytajuć
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary