Rasijskaja pryvatnaja vajskovaja kampanija «Vahnier» pravodzić adzin z samych masavych naboraŭ za ŭsiu svaju historyju. Z najmitaŭ farmujuć šturmavyja atrady, piša «Viorstka».
Za apošni miesiac aficyjny kanał PVK «Vahnier» pa pracaŭładkavańni apublikavaŭ 18 paviedamleńniaŭ pra nabor najmitaŭ dla pracy ŭ Afrycy. Bajevikoŭ na hety kirunak nie rekrutavali z sakavika 2023 hoda — tady kampanija zasiarodziłasia na stvareńni padraździaleńniaŭ dla ŭdziełu ŭ vajnie va Ukrainie.
Ciapier hrupa «Vahniera» šukaje mužčyn va ŭzroście ad 22 da 50 hadoŭ. Kantrakt budzie raźličany na šeść miesiacaŭ z zarobkam ad 240 tysiač rasijskich rubloŭ (prykładna 2 600 dalaraŭ) i strachavańniem žyćcia. Ad kandydataŭ patrabujuć daviedki ad psichijatra i narkołaha; daviedki ab adsutnaści hiepatytu, sifilisu i VIČ; vyniki EKH; pravieści sanacyju rotavaj połaści; daviedku ab sudzimaści; vajskovy bilet; zamiežny i ŭnutrany pašpart.
Z navabrancaŭ buduć farmavać jak šturmavyja atrady, tak i padraździaleńni BPŁA. Pavodle źviestak «Viorstki», viarboŭku pravodziać jak u Rasii, tak i siarod žycharoŭ Biełarusi.
Riekrucior PVK zajaviŭ, što kolkaść achvotnych ustupić u arhanizacyju dla słužby ŭ Afrycy vialikaja. Pavodle jaho słoŭ, najmity nie chočuć jechać va Ukrainu pamirać, u Afrycy ž takich ryzyk praktyčna niama.
Intaresy PVK «Vahnier» u Afrycy pry Pryhožynie raspaŭsiudžvalisia na 32 krainy: siarod ich Mali, Mazambik, CAR, Sudan, Burkina-Faso, Bienin, Erytreja, Zimbabve, Madahaskar, Sajuz Kamorskich astravoŭ, Demakratyčnaja Respublika Konha, Hvinieja, a taksama PAR, Efiopija, Habon, Nihieryja. Paśla śmierci Pryhožyna kampaniju ŭznačaliŭ Anton Jelizaraŭ, a dziejnaść hrupy ŭ Afrycy jak minimum nie spyniłasia.
Nahadajem, paśla buntu Pryhožyna častka «vahnieraŭcaŭ» raźmiaściłasia ŭ Biełarusi. Najmity zajmalisia navučańniem vajskoŭcaŭ biełaruskich unutranych vojskaŭ i inšych padraździaleńniaŭ. Pavodle apošnich źviestak, u Biełarusi zastajucca kala 300 «vahnieraŭcaŭ».
Ciapier čytajuć
«Ženia ŭ nas nohi straciŭ». Na parad u Minsk pryjechali vahnieraŭcy-biełarusy — raskazvajem, chto jany12
«Ženia ŭ nas nohi straciŭ». Na parad u Minsk pryjechali vahnieraŭcy-biełarusy — raskazvajem, chto jany
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary