Ilja Jašyn na pieršaj pres-kanfierencyi na svabodzie: Mianie nie vyzvalili, a vyhnali z krainy
Na pieršaj pres-kanfierencyi vyzvalenych u vyniku abmienu rasijskich eks-palitźniavolenych adzin ź lidaraŭ rasijskaj apazicyi Ilja Jašyn, jaki adbyvaŭ u kałonii prysudžany jamu termin u 8,5 hoda, zajaviŭ, što jahony ŭdzieł u abmienie adbyŭsia suprać jahonaj voli i što jaho faktyčna nie vyzvalili,
Jašyn padkreśliŭ, što asabista jon zmahaŭsia za svajo prava zastacca ŭ Rasii, heta značyć u kałonii. Jon kateharyčna admoviŭsia ad prašeńnia ab pamiłavańni ŭ Pucina.
«Ja nie budu prasić litaści ŭ čałavieka, jaki i pasadziŭ mianie ŭ turmu», — zajaviŭ jon i raskazaŭ, jak jaho da hetaha schilali.
«Na nastupny dzień da mianie pryjechała kiraŭnictva ŭpraŭleńnia FSVP Smalenskaj vobłaści i taksama praciahnuli mianie ŭhavorvać, što ja pavinien napisać prašeńnie ab pamiłavańni. Heta vyhladała dziŭna i dało namioki, što pačałasia niejkaja dypłamatyčnaja hulnia. Ale ja skazaŭ, što nikoli nie budu prasić miłaściny ŭ zabojcy i tyrana, u čałavieka, jakoha ja liču voraham svajoj krainy», — skazaŭ Jašyn.
Jon pakazaŭ svaju zajavu, napisanuju na imia načalnika Lafortaŭskaha izalatara, kudy Jašyna pieravieźli, u jakoj havaryłasia:
«Kanstytucyja Rasii zabaraniaje vysyłku z Rasii hramadzian RF bieź ich zhody. Źjaŭlajučysia hramadzianinam RF, hetym zajaŭlaju, što ja nie daju zhodu na vysyłku z Rasii. Nastojvaju na svaim zakonnym pravie zastavacca na terytoryi krainy, u jakoj ja naradziŭsia».
Tamu jon ličyć, što 1 žniŭnia byŭ nie vyzvaleny, a vydvarany z Rasii. I ciapier bolš za ŭsio jamu chočacca viarnucca dadomu. Prytym navat źbiraŭsia nibyta heta zrabić prosta z Turcyi, ale razumieŭ, što ŭ takim vypadku šancy na dalejšyja abmieny palitviaźniami rezka skarociacca, i nie staŭ škodzić inšym ludziam.
Čamu rasijskich palitviaźniaŭ vyzvalili, a biełaruskich nie? Usio prosta
Łukašenka z Kryhieram sieŭ u łužynu. A sens vyzvaleńnia rasijskich palitviaźniaŭ voś u čym
Staŭ viadomy poŭny śpis vyzvalenych u ramkach abmienu pamiž Rasijaj i Zachadam
Łukašenka zasłužyŭ padziaku ad Pucina
Abmienieny rasijski špijon jak minimum dva razy prychodziŭ u ofis da Łatuški
Były polski ministr: Rasijanina Rubcova Polšča pavinna była addać za Pačobuta
Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam7
Kamientary