Były polski ministr: Rasijanina Rubcova Polšča pavinna była addać za Pačobuta
Maryjuš Kamiński, były ministr unutranych spraŭ i administracyi Polščy, kaardynatar śpiecsłužbaŭ u kabiniecie Matevuša Maravieckaha, prakamientavaŭ u sacsietcy X učarašni abmien źniavolenymi pamiž Rasijaj i krainami Zachadu i pry hetaj nahodzie pakrytykavaŭ ciapierašni ŭrad pad kiraŭnictvam Donalda Tuska.
Pavodle Kamińskaha, pieramovy ab abmienie pałonnymi pamiž Rasijaj i Zachadam vialisia nie mienš za paŭtara hoda i jon sam, jak kaardynatar polskich śpiecsłužbaŭ, vioŭ pa hetym pytańni pieramovy z amierykancami.
«Ja prapanavaŭ pieradać rasijanam ahienta HRU Paŭła Rubcova, aryštavanaha nami ŭ lutym 2022 hoda pad imieniem Pabła Hansales. Našaj umovaj u ramkach abmienu pałonnymi było pieradać Polščy Andžeja Pačobuta, asudžanaha ŭ Biełarusi na 8 hadoŭ turmy, i rasijanina V., jaki mieŭ Kartu palaka i byŭ asudžany na 12 hadoŭ łahieraŭ za supracoŭnictva z polskimi słužbami», — śćviardžaje eks-ministr.
Pavodle jaho słoŭ, novy polski ŭrad addaŭ rasijanam hetaha kaštoŭnaha ahienta, ničoha nie atrymaŭšy ŭzamien, za što jaho vostra krytykuje.
Varta adznačyć, što były ministr Kamiński znachodzicca ŭ vostrym kanflikcie ź ciapierašnim polskim uradam, u studzieni hetaha hoda jon navat zatrymlivaŭsia prosta ŭ prezidenckim pałacy.
Čamu rasijskich palitviaźniaŭ vyzvalili, a biełaruskich nie? Usio prosta
Były dypłamat Macukievič: Režymu nie ciažka vyzvalić usich palitźniavolenych na praciahu 48 hadzin. Heta vialiki pravał apazicyi
Siam‘ia vyzvalenaha palitviaźnia Kara-Murzy pazvaniła jamu z Avalnaha kabinieta ŭ prysutnaści Bajdena. Toj byŭ uražany
Niamieckija ekśpierty ličać abmien źniavolenymi niebiaśpiečnym precedentam
Pavieł Śluńkin: Hety abmien — balučy ŭdar pa biełarusach
Donald Tramp žorstka raskrytykavaŭ praviedzieny abmien źniavolenymi
Kamientary