Niamieckija ekśpierty ličać abmien źniavolenymi niebiaśpiečnym precedentam
U niamieckich ŚMI razharnułasia dyskusija ab tym, ci nie sastupiŭ Zachad šantažu Kramla i ci varta było adpuskać asudžanaha najomnaha zabojcu Vadzima Krasikava.
Apytanyja Bild ekśpierty papiaredžvajuć, što ŭ Pucina ŭ zachodnich turmach pa-raniejšamu šmat špijonaŭ i jon moža pažadać viarnuć ich, aryštoŭvajučy nievinavatych hramadzian ZŠA i Hiermanii dla abmienu.
Biern️ Biernd Šmidbaŭer, były kaardynatar śpiecsłužbaŭ, viadomy pad pazyŭnym «008», u 1992 hodzie vyzvaliŭ dvuch niamieckich zakładnikaŭ u Livanie, a ŭ 1996 hodzie vioŭ pieramovy ab pamiłavańni niamieckaha inžyniera, abvinavačanaha ŭ špijanažy ŭ Iranie:
«My zaŭsiody sačyli za tym, kab pieramovy prachodzili na roŭnych i kab u budučyni my nie stali ŭraźlivymi dla šantažu». Pa słovach Šmidbaŭera, havorka zaŭsiody išła pierš za ŭsio pra dabrabyt ułasnych hramadzian — ale nie luboj canoj.
Aŭhust️ Chaninh, były kiraŭnik BND i kaardynatar pa pytańniach biaśpieki, taksama aściarožna krytykuje abmien: «Kanclery Hielmut Šmit i Hielmut Kol zaŭsiody sačyli za tym, kab dziaržava nie stała achviaraj šantažu».
Chaninh taksama padkreśliŭ značeńnie pryncypu roŭnaści tych asobaŭ, jakija abmieńvajucca. Abmien zabojcy «heta navina».
Vysokapastaŭleny ekśpiert u halinie raźviedki, jaki pažadaŭ zastacca nienazvanym, skazaŭ Bild:
«My jak dziaržava pavinny dumać pra toje, kab nie adkryć skryniu Pandory, kali Pucin pačnie advolna aryštoŭvać i pryhavorvać ludziej, kab zatym mieć mahčymaść šantažavać našy ŭrady. […] Kožny niemiec abo amierykaniec u Rasii patencyjna schilny da ryzyki być advolna aryštavanym i asudžanym, kali Pucin zachoča vyzvalić złačynca. Kanclery Šmit i Kol, vierahodna, nie pahadzilisia b na hety abmien: časam dziaržavie davodzicca stajać na svaim, nie ličačysia ź losami asobnych ludziej».
Jak prachodzili pieramovy, što pryviali da samaha bujnoha abmienu źniavolenymi z času chałodnaj vajny
Dzieci špijonaŭ Dulcavych tolki pry abmienie daviedalisia, što jany rasijanie, a nie arhiencincy?
Vyzvalenyja hramadzianie ZŠA sustrelisia z rodnymi FOTAFAKT
Rasijskija eks-palitźniavolenyja, adpraŭlenyja ŭ Hiermaniju, tak i nie źjavilisia na publicy
Pavieł Śluńkin: Hety abmien — balučy ŭdar pa biełarusach
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary
nikomu.