Litva raźviarnuła na miažy bolš za 20 mašyn ź Biełarusi — u tym liku z hramadziankaj Litvy za rulom
18 lipienia pačała pracavać zabarona na ŭjezd aŭtamabilaŭ ź biełaruskimi numarami ŭ Litvu.
Litoŭskija mytniki ranicaj 18 lipienia paviarnuli na miažy ź Biełaruśsiu nie mienš za 26 mašyn ź biełaruskimi numarami.
U 0:00 hadzin zapracavała zabarona na ŭjezd u Litvu aŭto ź biełaruskaj rehistracyjaj. Da 16 žniŭnia zajechać u krainu dazvolena tolki tym aŭto ź biełaruskimi numarami, jakimi kiruje sam uładalnik. Astatnich zaraz razvaračvajuć, piša LRT.
U punkcie propusku «Miedniki» ranicaj razharnuli kala dziasiatka lehkavych aŭto. Pryčym nie puścili ŭ krainu ŭ tym liku hramadzianku Litvy — jana jechała na mašynie ź biełaruskimi numarami.
«U našych aficeraŭ jość peŭnyja ałharytmy, kali heta nie ŭładalnik mašyny. Pry supracoŭnictvie z Pahraničnaj słužbaj takija hramadzianie byli viernuty ŭ Biełaruś.
Siarod ich była adna hramadzianka Litvy — jana jechała ź biełaruskimi numarami», — raspavioŭ načalnik pahranpierachoda Arunas Daŭbars.
Jon dadaŭ, što mnohija biełarusy nie viedali pra zabaronu i sprabavali nastajać na tym, kab ich prapuścili. Mytniki viartali ich u Biełaruś.
U punkcie propusku Šalčyninkaj da 7 ranicy nie prapuścili 16 aŭto ź biełaruskimi numarami biez uładalnika ŭ sałonie.
Łatvija i Estonija taksama zabaranili ŭjezd dla aŭto ź biełaruskaj rehistracyjaj. Polšča prapuskaje aŭto ź biełaruskimi numarami tolki pad kiravańniem uładalnika.
Ciapier čytajuć
Palitołah Alina Charysava pahadziłasia supracoŭničać z SBU. Akazałasia, heta było KDB20
Kamientary
Nibyta ŭ biełarusaŭ zaraz nijakich inšych prablem niama.