Bieły dom: Dazvoł na ŭdary zbrojaj z ZŠA pa Rasii tyčycca nie tolki Charkaŭščyny
Dyrektar pa pytańniach Jeŭropy Rady nacyjanalnaj biaśpieki Biełaha doma Majkł Karpienter zajaviŭ, što rašeńnie ZŠA dazvolić Ukrainie ŭdary amierykanskaj zbrojaj pa terytoryi Rasii tyčycca nie tolki Charkaŭskaj vobłaści. Pra heta jon skazaŭ u ekskluziŭnym intervju ŭkrainskaj TSN, paviedamlaje «Jeŭrapiejskaja praŭda».
Karpienter adznačyŭ, što ź mierkavańniaŭ apieratyŭnaj biaśpieki nie moža raskryvać detali ŭmoŭ, pry jakich Ukraina moža nanosić udary pa rasijskaj terytoryi. Jon, adnak, u adkaz na ŭdakładniajučaje pytańnie paćvierdziŭ, što havorka idzie pra terytoryi nie tolki kala Charkaŭskaj vobłaści, ale i Sumščyny.
«Heta tyčycca ŭsiaho rehijonu na poŭnačy [Ukrainy], dzie rasijskija siły abstrelvajuć Ukrainu. Raniej jany mahli adnosna biaśpiečna adtul abstrelvać, ale ciapier ukrainskija siły mohuć vykarystoŭvać našy bojeprypasy i zbroju, kab mieć mahčymaść vieści ahoń u adkaz», — adznačyŭ pradstaŭnik Rady nacbiaśpieki ZŠA.
Karpienter, adnak, admoviŭsia havaryć, ci moža rašeńnie Vašynhtona raspaŭsiudzicca na inšyja rasijskija terytoryi.
«Jak ja tolki što skazaŭ, hetyja rekamiendacyi tyčacca paŭnočnaj miažy ŭ Charkaŭskaj i Sumskaj abłaściach, dzie rasijskija siły viaduć ahoń pa Ukrainie», — padkreśliŭ jon.
Ź lutaha 2022 hoda ZŠA admaŭlalisia dazvolić vykarystoŭvać lubuju zbroju, jakuju jany pastaŭlajuć Ukrainie, dla ŭdaraŭ pa terytoryi Rasii. U toj ža čas joj było dazvolena nanosić udary pa celach u Krymie, pakolki jon znachodzicca ŭ mižnarodna pryznanych miežach Ukrainy, a Vašynhton nie pryznaje anieksiju paŭvostrava Maskvoj.
Ciapier čytajuć
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU5
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu66
Kamientary