Zachodnija lidary abmiarkoŭvajuć źniaćcie abmiežavańniaŭ na naniasieńnie Ukrainaj udaraŭ pa terytoryi Rasii
Zhodna ź mižnarodnym pravam, Kijeŭ maje ŭsie mahčymaści supraćstajać ahresaru.
Prezident Francyi Emanuel Makron 28 maja padčas dziaržaŭnaha vizitu ŭ Hiermaniju zajaviŭ, što ličyć nieabchodnym dazvolić ukrainskaj armii nanosić udary pa vajskovych abjektach, ź jakich vypuskajucca rasiejskija rakiety pa Ukrainie, piša Bild.
Kancler Ołaf Šolc byŭ nie hetak adnaznačny ŭ svaich zajavach, ale skazaŭ, što ŭ jaho niama jurydyčnych piarečańniaŭ suprać takich dziejańniaŭ. Zhodna ź mižnarodnym pravam, Ukraina maje ŭsie mahčymaści supraćstajać ahresaru.
«Jana padvierhnułasia napadu i maje prava abaraniacca», — skazaŭ kancler. Što datyčycca vykarystańnia zbroi, jakaja pastaŭlajecca ZŠA, Francyjaj abo Hiermanijaj, to isnujuć praviły, «jakija havorać, što heta zaŭsiody pavinna być u ramkach mižnarodnaha prava», padkreśliŭ jon.
Vydańnie Politico piša, što kamientar kanclera Hiermanii faktyčna aznačaje, što Ukraina moža nanosić zvarotny ŭdar zachodniaj zbrojaj pa rasiejskaj terytoryi.
Na pytańnie ab mahčymym prymianieńni niamieckaj zbroi na rasijskaj terytoryi pres-sakratar urada FRH Štefien Chiebieštrajt 29 maja zajaviŭ, nie moža raskryć dakładnych damoŭlenaściej z Kijevam pa vykarystańni niamieckaj zbroi, pakolki jany «kanfidencyjnyja».
Dziaržsakratar ZŠA Entani padčas vizitu ŭ Małdovu zajaviŭ, što Złučanyja Štaty z samaha pačatku vajny adaptavali svaju padtrymku Ukrainy da źmienlivych umoŭ. «Ja ŭpeŭnieny, što my budziem praciahvać heta rabić», — skazaŭ Blinkien.
Paśla vizitu ŭ Kijeŭ jon daŭ zrazumieć, što Ukraina maje šancy supraćstajać Rasii, tolki kali jana zmoža nanosić udary pa rakietnych ustanoŭkach i artyleryi na rasijskaj terytoryi.
Kali ZŠA sapraŭdy źmieniać svaju pazicyju i dazvolać Ukrainie nanosić udary pa rasijskaj terytoryi sa zbroi, jakaja pastaŭlajecca Złučanymi Štatami, inšyja zachodnija dziaržavy, vierahodna, nieŭzabavie pierajmuć ich prykład.
Ciapier čytajuć
Vyzvalenyja biełaruskija palitviaźni parazmaŭlali ź Zialenskim9
Kamientary
Dziela vykanańnia hetaj mety Rasiei vyhadna, kab Ukraina biła sama pa sabie: pa svaich ułasnych terytoryjach, akupavanych Rasiejaj. Rasieja bje z adnaho boku, Ukraina z druhoha: Rasieja atrymlivaje toje, što chacieła: vyžžanuju ukrainskuju ziamlu. Jak u Bachmucie, Marjincy.
Udary pa terytoryi RF parušać hetyja płany Rasiei.