Siłaviki pryjšli ź pieratrusam na miesca rehistracyi žurnalista Barysa Hareckaha
17 maja siłaviki pryjšli ź pieratrusam pa miescy rehistracyi ŭ Minsku namieśnika staršyni Biełaruskaj asacyjacyi žurnalistaŭ Barysa Hareckaha. Suprać jaho zaviali kryminalnuju spravu, a za što — nieviadoma, paviedamlaje BAŽ.
Barys Harecki i inšyja lidary Biełaruskaj asacyjacyi žurnalistaŭ vymušana vyjechali ź Biełarusi jašče ŭ 2021 hodzie paśla razhromu siłavikami ofisa arhanizacyi ŭ Minsku.
«Siłaviki prychodzili z pastanovaj na pieratrus. Ja nie viedaju, ci niešta było zabrana z kvatery, ludzi vielmi napałochanyja i ciapier bajacca kamunikavać. Ale nijakich maich rečaŭ u kvatery niama, bo ja vymušana nie žyvu ŭ Biełarusi ŭžo try hady.
Usio adno heta vielmi niepryjemna. Vidavočna, heta čarhovaja ataka siłavikoŭ na BAŽ i niezaležnych žurnalistaŭ z metaj prymusić nas spynić važnuju pracu dla biełaruskaj aŭdytoryi», — raskazaŭ Barys Harecki pres-słužbie BAŽ.
U 2023 hodzie KDB pryznaŭ Biełaruskuju asacyjacyju žurnalistaŭ «ekstremisckim farmavańniem». Niahledziačy na vymušanuju rełakacyju, BAŽ praciahvaje aktyŭnuju pracu pa padtrymcy biełaruskich žurnalistaŭ i miedyja.
Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7
Kamientary