U kvatery žurnalista-fryłansiera ź Viciebska supracoŭniki KDB vyłamali dźviery, a žyllo apiačatali
Źmicier Kazakievič sa žniŭnia 2021 hoda nie žyvie ŭ Biełarusi. U 2020-2021 hadach jaho zatrymlivali, doma adbyłosia try pieratrusy.
Kvateru Źmitra Kazakieviča supracoŭniki KDB apiačatali 16 maja. Padrabiaznaści taho, jak heta adbyvałasia, Kazakievič raskazaŭ Radyjo Svaboda.
«Paśla taho, jak ja vyjechaŭ ź Biełarusi, było cicha. Nibyta. Ale 15 maja «orhany» vypytvali ŭ susiedziaŭ, ci žyvie chto ŭ kvatery, ci źjaŭlajecca niechta tam. Niedzie ŭ 6:40 16 maja tudy pryjšli supracoŭniki KDB razam z supracoŭnikami MNS i pačali łamać dźviery, padniali na vušy ŭvieś dom», — raskazaŭ Kazakievič.
Pavodle surazmoŭcy, na dźviarach kvatery siłaviki pakinuli papierku: «Opiečatano. KHB. Po vsiem voprosam obraŝaťsia v SK Riespubliki Biełaruś». Fryłansier dadaŭ, što nie viedaje, ci byŭ u kvatery pieratrus.
Źmicier Kazakievič kaža, što na akcyjach salidarnaści za miažoj byvaŭ, ale pa pracy, nie jak aktyvist.
Ciapier čytajuć
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać5
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary