Za pieršyja try miesiacy 2024 hoda ŭ Biełarusi zatrymali amal tysiaču čałaviek. I heta tolki tyja, pra kaho viadoma
Pravaabaroncy «Viasny» padličyli ahulnuju ličbu viadomych im zatrymańniaŭ pa palityčnych matyvach u Biełarusi za pieršy kvartał 2024 hoda.
Pavodle danych «Viasny», z 1 studzienia pa 31 sakavika ŭ Biełarusi było zafiksavana 987 zatrymańniaŭ, ź jakich tracina — žančyny. Bolšaść zatrymańniaŭ prypała na studzień — 406 zatrymańniaŭ. Mienavita tady KDB zładziŭ masavy rejd za praduktovuju dapamohu ad inicyjatyvy INeedHelpBY. U 65 zatrymanych jość niepaŭnaletnija dzieci.
Taksama pravaabaroncam viadoma pra jak minimum 1602 sudy pavodle administracyjnych spraŭ za hety čas. Tolki ŭ lutym biełaruskija sudy razhladzieli nie mienš za 671 spravu. U tym miesiacy ŭłady pačali sudzić za «vykarystańnie zamiežnaj dapamohi dla ažyćciaŭleńnia ekstremisckaj dziejnaści» (art. 24.15 KaAP). Hety artykuł raniej u Biełarusi nie vykarystoŭvaŭsia.
Pry hetym padkreślivajecca, što ŭsie ličby mohuć być značna bolšymi praz toje, što pravaabaroncy nie vałodajuć usimi źviestkami pra represii.
Zatrymany raskazaŭ, jakija ciapier umovy na Akreścina
Zatrymali dačku Ryhora Kastusiova
U Homieli mužčynu zatrymali za «cyničnyja kamientary» pra pamierłaha bresckaha milicyjanta
«Daviałosia iści ŭ KDB na dopyt z detektaram chłuśni». Prapaviednik Mieljaniec vyjechaŭ ź Biełarusi ź siamiu dziećmi i raskazaŭ pra pieraśled
Ciapier čytajuć
Polšča pryznała Alaksandra Mašenskaha niepažadanaj asobaj35
Kamientary