За першыя тры месяцы 2024 года ў Беларусі затрымалі амаль тысячу чалавек. І гэта толькі тыя, пра каго вядома
Праваабаронцы «Вясны» падлічылі агульную лічбу вядомых ім затрыманняў па палітычных матывах у Беларусі за першы квартал 2024 года.
Паводле даных «Вясны», з 1 студзеня па 31 сакавіка ў Беларусі было зафіксавана 987 затрыманняў, з якіх траціна — жанчыны. Большасць затрыманняў прыпала на студзень — 406 затрыманняў. Менавіта тады КДБ зладзіў масавы рэйд за прадуктовую дапамогу ад ініцыятывы INeedHelpBY. У 65 затрыманых ёсць непаўналетнія дзеці.
Таксама праваабаронцам вядома пра як мінімум 1602 суды паводле адміністрацыйных спраў за гэты час. Толькі ў лютым беларускія суды разглядзелі не менш за 671 справу. У тым месяцы ўлады пачалі судзіць за «выкарыстанне замежнай дапамогі для ажыццяўлення экстрэмісцкай дзейнасці» (арт. 24.15 КаАП). Гэты артыкул раней у Беларусі не выкарыстоўваўся.
Пры гэтым падкрэсліваецца, што ўсе лічбы могуць быць значна большымі праз тое, што праваабаронцы не валодаюць усімі звесткамі пра рэпрэсіі.
Польшча прызнала Аляксандра Машэнскага непажаданай асобай27
Каментары