Ź Biełarusi evakujavali siastru prarasijskaj aktyvistki Mirsalimavaj
Kryścina Mirsalimava vyjechała ź Biełarusi z dapamohaj «Bajsoła».
Kryścina była aktyvistkaj u Viciebsku, pryncypova pierajšła na biełaruskuju movu.
Pra jaje evakuacyju paviedamiŭ kiraŭnik «Bajsoła» Andrej Stryžak.
«Kryścina — rodnaja siastra Elviry Mirsalimavaj, jakaja stała pa inšy bok barykad i ciapier baronić «ruski mir» u Biełarusi. Hetaje žyćcio i naša praca značna cikaviejšyja za kino», — napisaŭ Stryžak.
Kryścina Mirsalimava piša pra siabie:
«Naprykancy 2021 hoda ja ŭ adčai zrazumieła, što ŭ mianie niama nijakich inšych sposabaŭ adkryta demanstravać svaju pazicyju, akramia biełaruskaj movy — i ja zrabiła krok, pra jaki dumała jašče sa školnych časoŭ — pierajšła całkam na biełaruskuju».
Jana tłumačyć, što nie zmahła zastavacca ŭ Biełarusi paśla chapuna 23 studzienia.
«15 sodniaŭ u žorstkich umovach IČU i kryminalnaja sprava. Ja źjechała nie adrazu, usio spadziavałasia, što heta zvyčajnaje zapužvańnie ŭ ich maniery. Ale hetym razam pahroza stała zališnie vialikaj, i pamiž turmoj i zamiežžam ja vybrała emihracyju.
Doma ŭ mianie mama 73 hadoŭ, jakoj vielmi ciažka chadzić, i pry hetym jana ciapier adkaznaja za majho sabaku Kurta, jaki žyvie ź joj. Za apošnija paŭhoda mama pieražyła pierałom chrybietnika i apieracyju. A niadaŭni pierałom ruki jana atrymała ŭžo padčas majho ŭtrymańnia za kratami».
Niadaŭna na sutkach, nahadajem, była i Elvira Mirsalimava. Praŭda, pohladaŭ jana nie źmianiła.
«Mnie soramna, što žančynu adpravili za kraty». Biełarus, čyja skarha pryviała Mirsalimavu ŭ izalatar, raskazaŭ, što adbyłosia
Prarasijskaja aktyvistka Mirsalimava atrymała hihancki štraf — za «adzinočny pikiet z BČB»
Chto takaja Elvira Mirsalimava, jakuju ŭžo navat łukašenkaŭcy vinavaciać u biełarusafobstvie
«Nazyvali palityčnaj prastytutkaj». Stalinistka Mirsalimava raskazała pra dva dni za kratami
Ciapier čytajuć
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU5
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu66
Kamientary