Prarasijskaja aktyvistka Mirsalimava atrymała hihancki štraf — za «adzinočny pikiet z BČB»
Pryhody stalinistki ź Viciebska praciahvajucca.
Padrabiaznaściami Elvira Mirsalimava padzialiłasia ŭ svaim fejsbuku
«Maŭlaŭ, «tam było za što»… Voś kankretyka. Pieršaje abvinavačvańnie, pa jakim mianie asudzili (štraf plus dvoje sutak u izalatary, na mietaličnaj škoncy biez matraca, z pravierkami ŭ kajdankach za śpinoj, tvaram da ściany — za «reabilitacyju nacyzmu» (3 skryny):
— za pierapost Uładlena Tatarskaha, dzie ruski voin-vyzvaliciel staić nahami na ściahu USU sa svastykaj (dopis, jaki pakazvaje na adzinstva ŭkrainskich banderaŭcaŭ i nacyzmu)
— za histaryčnyja fota, dzie ludzi z bčb i partretam Hitlera sustrakajuć fašysckich akupantaŭ (dopis, jaki pakazvaje na suviaź bčb i nacyzmu).
— za pierapost, dzie finskija lehijaniery (napiaredadni ŭstupleńnia Finlandyi ŭ NATA) iduć pad ściaham sa svastykaj, (dopis, jaki pakazvaje na ahulnaść Nataŭcaŭ i nacyzmu).
Heta byli antyfašysckija i antynacysckija dopisy.
I druhi artykuł — niešta nakštałt «adzinočnaha pikietu z bčb». Za publikacyju pastoŭ ź ilustracyjami da maich antybčb-šnych artykułaŭ.
Sud prachodziŭ u adkrytym režymie, Publikacyja rašeńnia suda dazvolena. Viercie vačam svaim», — napisała jana.
Žančynu aštrafavali na 2600 rubloŭ
Mirsalimavu sioleta ŭ lutym užo sudzili za parušeńnie paradku praviadzieńnia masavych mierapryjemstvaŭ, za raspaŭsiud tak zvanaj «ekstremisckaj» infarmacyjnaj pradukcyi i za «prapahandu abo publičnaje demanstravańnie, vyrab, raspaŭsiud nacysckaj simvoliki abo atrybutyki».
Elvira — adna ź viadomych prarasijskich aktyvistak. Raniej jana kazała, što biełarusy — heta ruskija, a Stalin — vialiki dziejač, i prapanoŭvała pastavić jamu pomnik.
Chto takaja Elvira Mirsalimava, jakuju ŭžo navat łukašenkaŭcy vinavaciać u biełarusafobstvie
«Nazyvali palityčnaj prastytutkaj». Stalinistka Mirsalimava raskazała pra dva dni za kratami
«Mnie soramna, što žančynu adpravili za kraty». Biełarus, čyja skarha pryviała Mirsalimavu ŭ izalatar, raskazaŭ, što adbyłosia
Ciapier čytajuć
Stali viadomyja novyja padrabiaznaści lutaŭskaha žorstkaha napadu na siamju pad Smalavičami1
Kamientary