Jakija źmieny ŭ zakonie pa «darmajedach» čakajucca z 1 krasavika
U Biełarusi źmienicca paradak farmavańnia bazy niazaniatych u ekanomicy.
Pačynajučy z krasavika, bazu «darmajedaŭ» buduć abnaŭlać kožny miesiac. Raniej heta rabili raz u try miesiacy.
Jakija źmieny ŭžo nabyli moc z pačatku hoda
Pry farmavańni bazy nie zaniatych u ekanomicy ŭličvajuć infarmacyju ad MUS Rasijskaj Fiederacyi. Štomiesiac da 20-ha čysła viedamstva pieradaje ŭ Dziaržpahrankamitet źviestki pra biełarusaŭ, jakija vyjechali z terytoryi Rasijskaj Fiederacyi ci zajechali tudy.
Tamu vyjezd abo vylet u inšuju krainu praz RF nie dapamoža abyści 30-dzionny limit znachodžańnia za miažoj, pieravysiŭšy jaki, čałaviek traplaje ŭ bazu nie zaniatych u ekanomicy. Nahadajem, što ŭłaśniki žytła, jakich dziaržava pryznała «darmajedami», apłačvajuć kamunalnaja pasłuhi pa poŭnymi taryfie.
Pry hetym, kali čałaviek pracuje ŭ RF i adpaviedna znachodzicca za miežami Biełarusi bolš za 30 dzion, jon nie ličycca darmajedam. A voś z pracaj u Jeŭropie — ličycca. Z hetaj pryčyny biełaruskija dalnabojščyki, jakija pracujuć u ES, kali jany ŭładalniki žytła, vymušany płacić za kamunałku bolš.
Z pačatku hoda źmieny zakranuli indyvidualnych pradprymalnikaŭ. Tolki zarehistravacca ŭ jakaści IP niedastatkova. Treba, kab IP ažyćciaŭlali dziejnaść i płacili padatki: adziny abo padachodny.
Taksama ź lutaha nie ličać darmajedami tych, chto zdaje pamiaškańni abo mašyna-miescy ŭ arendu i vypłačvaje padachodny padatak ź fizasob u fiksavanych sumach.
Nahadajem, što nie ličacca darmajedami i samazaniatyja hramadzianie. Ale jość niuans. Dla samazaniatych praduhledžanyja padatkovyja lhoty na pieršyja 2000 rubloŭ prybytku. Kali samazaniaty pakaža, što atrymaŭ ad svajoj dziejnaści mienš za 2000 rubloŭ, to płacić padatak na prafiesijny dachod nie treba. Adpaviedna, kali čałaviek nie płacić padatki, to ličycca nie zaniatym u ekanomicy.
Fiermiery i ŭładalniki asabistych padsobnych haspadarak, kab nie patrapić u bazu darmajedaŭ, nie pavinny vyjazdžać z krainy bolš čym na 30 dzion.
Čytajcie taksama:
Kolki płaciać za kamunałku «darmajedy»? Biełaruska šakavała žyroŭkaj za studzień
Ź lipienia IP zmohuć padavać u padatkovuju tolki elektronnuju dekłaracyju. Pasłuha nie biaspłatnaja
Samazaniatyja pačali atrymlivać listy pra zaličeńnie ŭ darmajedy. Jak takoje mahčyma?
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki40
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary
Spłošnyje zapriety, ohraničienija, štrafy ....
I vot sriedi etich horiełych i smrada, živut i vośpityvajut dietiej.