U bresckim parku ŭpaŭ maśleničny słup u toj momant, kali pa im karaskałasia dzicia
Učora, 10 sakavika, u aficyjnym telehram-kanale Bresckaha harvykankama «Lubimy Brest» źjaviłasia navina pra padzieńnie dzieviacimietrovaha maśleničnaha słupa, jaki, nibyta, «nie vytrymaŭ nahruzki» i ŭpaŭ. U vyniku zdareńnia, pavodle aficyjnaj infarmacyi, nibyta nichto nie paciarpieŭ. Vydańnie Bgmedia pahladzieła, jak na hety vypadak reahujuć žychary horada.
Da pasta było prymacavanaje videa, na jakim darosły mužčyna ŭ nižniaj bialiźnie «patryjatyčnych» koleraŭ załazić na słup, zabiraje padarunak i biez zdareńniaŭ spuskajecca ŭniz pad uchvalnyja kryki natoŭpu.
A voś rolik z hetym samym słupom, źniaty ŭžo paśla taho, jak bierviano ŭpała, raspaŭsiudziŭsia ŭ mnohich sacyjalnych sietkach. Na videa bačna, jak viadoŭca supakojvaje dziaŭčynku ŭ ekipiroŭcy, jakaja, vidavočna, sprabavała zaleźci na słup. Śpinaj da jaje staić supracoŭnik MNS, abapioršysia na pavalenaje dreva.
Jakich-niebudź padrabiaznaściaŭ hetaha zdareńnia nie znajšłosia ni na aficyjnym sajcie Bresckaha abłasnoha ŭpraŭleńnia MNS, ni ŭ sacyjalnych sietkach. Zatoje ŭ telehram-kanale «Lubimy Brest» adznačyli, što štohod pierad praviadzieńniem Maślenicy «kanstrukcyja prachodzić vyprabavańni na tryvałaść i ŭstojlivaść».
Da nastupnych vychadnych abiacajuć pastavić novy słup.
Žurnalist BGmedia pačytaŭ, što pišuć z nahody niadzielnaha incydentu ŭ sacyjalnych sietkach i nie znajšoŭ supadzieńniaŭ z aficyjnaj viersijaj uładaŭ adnosna «vialikaha napłyvu achvotnych dastać pryz». U toj ža čas mnohija karystalniki syšlisia ŭ mierkavańni, što słup daloka nie pieršaj śviežaści, maŭlaŭ, jamu ŭžo nie mienš za 30, a to i kala 40 hadoŭ. Dy i pa draŭninie vidać, što słup byŭ hniły.
Dakładnych źviestak pra ŭzrost hetaha słupa znajści pakul nie ŭdałosia. Adnak mnohija kamientatary vykazvali svaju zaniepakojenaść z nahody stanu dziciaci i aburalisia tym, što adbyłosia, adznačajučy, što niaščaście nie adbyłosia tolki cudam.
Ciapier čytajuć
Što viadoma pra biełarusa, jaki zahinuŭ la Elbrusa5
Što viadoma pra biełarusa, jaki zahinuŭ la Elbrusa
Hrodzienskaha padletka adpravili ŭ škołu ŭ Litvu — jon vyvučyŭ litoŭskuju i ciapier pierakładaje ŭ Jeŭraparłamiencie. Pierakładaŭ jon i Cichanoŭskich3030
Kamientary