Razumiejučy, što supraćstajać sučasnym vyklikam i pahrozam mahčyma tolki kalektyŭnymi namahańniami, Respublika Biełaruś vyznačyła dla siabie pryjarytety, zajaviŭ u intervju biełaruskim vajennym ŚMI 5 studzienia ministr abarony Juryj Žadobin.
Pierakaz razmovy z žurnalistami raźmieščany na sajcie Minabarony.
Hałoŭnym pryjarytetam ministr nazvaŭ umacavańnie supracoŭnictva z Rasijaj. Pavodle jaho słoŭ, uzajemnaja intehracyja ŭ vajennaj śfiery nosić stratehičny charaktar i maje vyznačalnuju rolu ŭ sistemie zabieśpiačeńnia nacyjanalnaj biaśpieki.
Pa‑druhoje, pradoŭžyŭ jon, «ažyćciaŭlajučy šmatviektarnuju palityku ŭ intaresach padtrymańnia i ŭmacavańnia biaśpieki ŭ Jeŭropie, my razhladajem dziaržavy suśvietnaj supolnaści, mižnarodnyja arhanizacyi ŭ jakaści patencyjnych partnioraŭ dla ažyćciaŭleńnia ŭzajemavyhadnaha supracoŭnictva».
Juryj Žadobin paviedamiŭ, što ŭ 2010 hodzie budzie praciahnuta vajennaje supracoŭnictva z upłyvovymi mižnarodnymi arhanizacyjami i sajuzami, susiedziami ŭ intaresach niedapuščeńnia eskałacyi napružanaści ŭ rehijonie, umacavańnia miechanizmaŭ mižnarodnaj biaśpieki.
Asnoŭnaj zadačaj Uzbrojenych sił u 2010 hodzie ministr nazvaŭ poŭnaje i jakasnaje vykanańnie Płana padrychtoŭki Uzbrojenych sił, usiamiernaje pavyšeńnie ŭzroŭniu bajavoj i mabilizacyjnaj hatoŭnaści, apieratyŭnaj i bajavoj padrychtoŭki, vyvučki i zładžanaści orhanaŭ kiravańnia i vojsk.
Pra heta ž havaryŭ u svaim zvarocie da ŭdzielnikaŭ śniežańskaha zboru kamandnaha składu Uzbrojenych sił Alaksandr Łukašenka.
Raźmieščany na sajcie pierakaz razmovy Juryja Žadobina z vajennymi žurnalistami praktyčna paŭtaraje tekst zvarotu kiraŭnika dziaržavy, jaki źjaviŭsia dva z pałovaj tydni tamu.
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary