U Drahičynie zatrymali byłoha žurnalista i palitviaźnia Siarhieja Hardzijeviča
Pavodle papiarednich źviestak, 24 studzienia byŭ zatrymany były karespandent niezaležnaha sajta «Pieršy rehijon» Siarhiej Hardzijevič z Drahičyna, paviedamlaje Biełaruskaja asacyjacyja žurnalistaŭ. Jaho abinavačvajuć u «raspaŭsiudzie, vyrabie, zachoŭvańni infarmacyjnaj pradukcyi, jakaja źmiaščaje zakliki da ekstremisckaj dziejnaści» (artykuł 19.11 KaAP RB). Inšych padrabiaznaściaŭ pakul niama.
Siarhiej Hardzijevič pracavaŭ na internet-vydańnie «Pieršy rehijon», pakul nie byŭ zatrymany naprykancy 2020 hoda. Jaho abvinavacili ŭ abrazie pradstaŭnikoŭ ułady ŭ suviazi z vykanańniem imi słužbovych abaviazkaŭ (artykuł 369 Kryminalnaha kodeksa), u raspaŭsiudzie zahadzia chłuślivych i źnievažalnych inšych asob źviestak (paklop), jakija źmiaščajuć abvinavačvańnie ŭ ździajśnieńni ciažkaha złačynstva (artykuł 188) i publičnaj abrazie «prezidenta Respubliki Biełaruś» (častka 1 artykuła 368).
Niekatory čas da suda Siarhieja Hardzijeviča trymali pad chatnim aryštam, a 2 žniŭnia 2021 hoda sudździa Ivanaŭskaha rajona Hienadź Kudłasievič pryznačyŭ žurnalistu pakarańnie ŭ vyhladzie pazbaŭleńnia voli terminam na 1 hod 6 miesiacaŭ va ŭmovach ahulnaha režymu. Paśla hetaha Siarhieja Hardzijeviča pryznali palitviaźniem, a svajo pakarańnie jon adbyvaŭ u papraŭčaj kałonii №17 u Škłovie. Termin źniavoleńnia dla drahičynskaha žurnalista skončyŭsia 27 kastryčnika 2022 hoda.
U listapadzie 2022 hoda žurnalista dadali ŭ śpis «ekstremistaŭ».
Letaś u vieraśni Siarhiej Hardzijevič byŭ zatrymany ŭ punktu propusku «Brest», kali viartaŭsia z Polščy ŭ Biełaruś. Na miažy ŭ byłoha žurnalista vyrašyli pravieryć mabilny telefon, a paśla skłali pratakoł pavodle taho samaha «ekstremisckaha» artykuła 19.11 KaAP. Siarhiej Hardzijevič byŭ aryštavany na 15 sutak.
Jak źmianiŭsia drahičynski žurnalist Siarhiej Hardzijevič za paŭtara hoda źniavoleńnia FOTAFAKT
U Homieli źnikła suviaź z maci Illi Mironava
Učora pad pieraśled trapili sama mieniej 100 čałaviek — pravaabaroncy
Učora padčas chapuna zatrymali byłuju aktyvistku strajkama na «Palimiry» Alenu Vinakuravu
Marynu Adamovič aryštavali na 15 sutak
Ciapier čytajuć
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary