Jak źmianiŭsia drahičynski žurnalist Siarhiej Hardzijevič za paŭtara hoda źniavoleńnia FOTAFAKT
Žurnalist z Drahičyna Siarhiej Hardzijevič pazaŭčora vyjšaŭ z-za krataŭ. Pahladzicie, jak źmianili jaho paŭtara hoda ŭ škłoŭskaj kałonii.
Paśla vyzvaleńnia taksama vyśvietliłasia, što jon amal nie atrymlivaŭ listoŭ i zusim nie atrymlivaŭ tych, jakija byli napisanyja ad ruki, piša «Bieraściejskaja viasna».
Kali jamu prychodzili zakaznyja listy, to, choć ich nie addavali, jon usio roŭna raśpisvaŭsia za ich źniščeńnie. Siarhiej Hardzijevič zaklikaje pisać listy palitviaźniam, asabliva zakaznyja, bo heta dazvalaje adčuć padtrymku zvonku.
Siarhiej Hardzijevič — 51-hadovy žurnalist vydańnia «Pieršy rehijon» z Drahičyna. U pačatku 2021 hoda na jaho zaviali kryminalnuju spravu pa artykułach 368 («Abraza prezidenta»), 369 («Abraza pradstaŭnika ŭłady») i 188 («Paklop») za paviedamleńni ŭ Viber-čacie.
Da suda jon znachodziŭsia pad chatnim aryštam. U žniŭni 2021 hoda jamu prysudzili paŭtara hoda źniavoleńnia ŭ kałonii ahulnaha režymu, čatyry tysiačy rubloŭ kampiensacyi maralnaj škody i kanfiskacyju smartfona.
Kamientary
chutčejšaha adnaŭleńnia jamu