U futbolnaj Supierlizie Jeŭropy budzie try dyvizijony, pieršy siezon pačniecca ŭ 2025 hodzie
Supierliha Jeŭropy paśla vierdyktu suda Jeŭrapiejskaha sajuza prezientavała farmat praviadzieńnia novaha turniru.
Turnir budzie adkrytym, adbor udzielnikaŭ budzie bazavacca na spartyŭnym pryncypie. Paralelna kłuby buduć udzielničać u nacyjanalnych čempijanatach.
Mužčynski turnir budzie składacca z 64 kamandaŭ, žanočy — z 32 kamandaŭ. Matčy buduć prachodzić u siaredzinie tydnia.
Na dadzieny momant u prajekcie Supierlihi tolki «Reał» i «Barsiełona».
Supierliha budzie ŭklučać try dyvizijony. Pastajannych udzielnikaŭ u turniry nie budzie, piša football.by.
Turnir budzie składacca z rehularnaha čempijanatu i płej-of. U rehularnym turniry kłuby buduć hulać dva kruhi ŭ hrupach pa 8 kamand.
Supierliha Jeŭropy moža startavać u siezonie-2025/26. Udzielniki pieršaha rozyhryšu buduć vyznačanyja na padstavie indeksa, u asnovu jakoha lahuć vyniki kłubaŭ.
Razam z tym kamandy čempijanatu Anhlii nie zmohuć udzielničać u turniry.
Inakš jany nie zmohuć udzielničać u nacyjanalnym pieršynstvie. Vialikabrytanija vyjšła ź ES u 2020 hodzie. Rašeńnie Jeŭrapiejskaha suda nie raspaŭsiudžvajecca na anhlijskija kamandy.
Siońnia Jeŭrapiejski sud pryznaŭ dziejańni UEFA pa błakiroŭcy Supierlihi niezakonnymi.
«U arhanizacyj niama manapolii na praviadzieńnie kłubnych spabornictvaŭ u Jeŭropie: ciapier Supierliha aficyjna moža być stvorana ŭ adpaviednaści ź Jeŭrapiejskim zakonam», — havorycca ŭ rašeńni suda.
***
Ab stvareńni Supierlihi Jeŭropy było abvieščana ŭ pačatku krasavika 2021 hoda. Kłubami-zasnavalnikami vystupili anhlijskija «Mančester Junajted», «Mančester Sici», «Livierpul», «Čełsi», «Arsienał», «Totenchem», ispanskija «Barsiełona», «Reał», «Atletyka», «Juvientus», «Inter» i «Miłan». Prezidentam lihi staŭ Fłarencina Pieres, jaki zajmaje anałahičnuju pasadu ŭ «Reale».
Adnak adrazu kłuby sutyknulisia z chvalaj niehatyvu jak z boku inšych kłubaŭ, tak i z boku fanataŭ, kiraŭncitva svaich lihaŭ, a UEFA taksama adrazu paabiacała prymianić sankcyi i da ich hulcoŭ, u pryvatnaści, zabaranić vystupać za zbornyja, i prajekt Supierlihi tady byŭ prypynieny.
Biełaruski futbalist, jaki zaviaršyŭ karjeru praz matčy-dahavarniaki, žyvie ŭ ZŠA i zarablaje ekskursijami pa parku
«My nie para, ale amal». Trenier «PSŽ» dvuchsensoŭna vykazaŭsia pra adnosiny z Kilijanam Mbape
Hety jeŭrapiejski kłub adziny, chto vyjhraŭ usie matčy nacyjanalnaha čempijanatu ŭ siezonie 2023/2024
Ciapier čytajuć
Ułady Hrodna paviedamili pra vychad z ładu liŭnioŭki pad udaram stychii1
Kamientary