«My nie para, ale amal». Trenier «PSŽ» dvuchsensoŭna vykazaŭsia pra adnosiny z Kilijanam Mbape
Siońnia forvardu paryžskaha kłuba i zbornaj Francyi spoŭniłasia 25 hadoŭ.
Łuis Enrykie viadomy svaimi niezvyčajnymi zajavami na pres-kanfierencyjach. Ciapier nastaŭnik «PSŽ» u svaim styli raspavioŭ pra svaje adnosiny z francuzskim forvardam Kilijanam Mbape, piša football.by.
Enrykie źjaŭlajecca hałoŭnym trenieram čempijonaŭ Francyi z pačatku hetaha siezona. Na starcie siezona ispaniec vyvieŭ Mbape sa składu, bo toj nie chacieŭ praciahvać kantrakt. Francuzskija ŚMI rehularna paviedamlajuć pra nieparazumieńni pamiž hulcom i trenieram.
«U mianie vydatnyja adnosiny z Mbape. My nie para, ale amal. Hałoŭnym čynam tamu, što jon hetaha nie choča», — iranizavaŭ Łuis Enrykie na pres-kanfierencyi.
Jon dadaŭ, što «vielmi blizki» z bolšaściu hulcoŭ PSŽ.
«Jon vielmi pazityŭny futbalist, zaŭsiody ŭśmichajecca i žartuje. Ja ŭ zachapleńni ad jaho, ale nie tolki ad jaho, ad usich maich hulcoŭ», — dadaŭ trenier.
U hetym siezonie Mbape zastajecca lidaram napadaŭ «PSŽ». 25-hadovy futbalist zabiŭ 19 hałoŭ u 21 matčy.
Paryžanie na hety momant zajmajuć pieršaje miesca ŭ turnirnaj tablicy Lihi 1.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii12
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie3939
Kamientary