U 2024 hodzie biełaruskija vajskoŭcy praviaduć bajavyja puski kompleksu «Iskander» — Minabarony
U 2024 hodzie «viancom padrychtoŭki» rakietnaj bryhady, u jakoj na ŭzbrajeńni znachodzicca apieratyŭna-taktyčny rakietny kompleks (ATRK) «Iskander», stanie «kantrolny zaniatak na adnym z rasijskich palihonaŭ z bajavymi puskami», zajaviŭ u intervju telekampanii «VajenTV» 19 listapada načalnik rakietnych vojskaŭ i artyleryi Uzbrojenych sił Biełarusi Rusłan Čechaŭ.
Pavodle słoŭ Čechava, padrychtoŭka hetaj bryhady «płanavaja, vielmi nasyčanaja», da jaje pryciahvajucca «instruktary z Uzbrojenych sił Rasijskaj Fiederacyi, jakija dajuć vysokuju acenku našym rakietčykam».
Jon padkreśliŭ važnaść vykarystańnia ŭ padrychtoŭcy «dośviedu śpiecyjalnaj vajennaj apieracyi», jaki «pastajanna adsočvajecca».
«My vielmi ciesna ŭzajemadziejničajem z našymi rasijskimi kalehami. I ŭsio novaje i toje, što dobra zarekamiendavała siabie ŭ zonie SVA, my ŭžyvajem u svajoj padrychtoŭcy. Najpierš heta bieśpiłotnyja avijacyjnyja kompleksy. My aktyŭna vykarystoŭvajem śpiecyjalnaje prahramnaje zabieśpiačeńnie, jakoje dazvalaje pamienšyć čas padrychtoŭki dadzienych dla stralby», — adznačyŭ Čechaŭ.
1 lutaha 2023 hoda Minabarony paviedamiła, što biełaruskija vajskoŭcy prystupili da poŭnaj samastojnaj ekspłuatacyi ATRK «Iskander».
Raźliki prajšli navučańnie ŭ RF, «ukamplektavanyja vyklučna aficerami, praparščykami i vajskoŭcami, jakija prachodziać słužbu pa kantrakcie», havaryłasia ŭ relizie viedamstva.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski29
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2525
Kamientary