14-hadovy padletak stvaryŭ myła dla praduchileńnia raku skury
Za heta chłopčyku była ŭručana prestyžnaja amierykanskaja ŭznaharoda.
14-hadovy školnik z ZŠA Chieman Bekiele vyjhraŭ prestyžny amierykanski konkurs dla maładych navukoŭcaŭ Young Scientist's Challenge, raspracavaŭšy myła dla praduchileńnia raku skury. Ab hetym paviedamlaje anłajn-vydańnie ScienceAlert.
Uradženiec Efiopii Chieman Bekiele pracavaŭ nad svaimi prajektam u chatnich umovach, ale kali jon staŭ finalistam navukovaha konkursu, to vyrašyŭ źviarnucca pa dapamohu da Univiersiteta Virdžynii i Džordžtaŭnskaha ŭniviersiteta, kab pravieryć i ŭdaskanalić svajo vynachodstva.
Chłopčyk prateściravaŭ myła šlacham ličbavaha madelavańnia, atrymaŭšy vysokija vyniki efiektyŭnaści, a potym vyprabavaŭ jaho na sabie.
«Klučavym elemientam myła źjaŭlajucca chimičnyja złučeńni imidazoł i chinalin, jakija zvyčajna vykarystoŭvajucca dla lačeńnia barodavak, vuhrovych vysypańniaŭ i hrybkovych infiekcyj. Taksama byli dadadzieny lipidnyja nanačaścicy (rečyva, jakoje zahojvaje rany), jakija zastajucca na skury paśla zmyvańnia myła vadoj.
Pry naniasieńni na skuru myła ŭtvoryć niabačny lipki płast, jaki dastavić leki ŭ arhanizm praz skuru i aktyvizuje imunnuju sistemu», — tak tłumačyć svaju zadumku Chieman Bekiele.
Chłopiec chacieŭ by, kab jahony prajekt mieŭ kamiercyjnuju budučyniu.
Ciapier čytajuć
Delehatka KR Karpušonak paśla maŭčańnia apublikavała videa19
Delehatka KR Karpušonak paśla maŭčańnia apublikavała videa
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1515
Kamientary