Kampanija Moderna paśpiachova vyprabavała vakcynu suprać raku skury
Kampanija Moderna Inc. u partniorstvie z Merck & Co padzialilisia vynikami vyprabavańniaŭ vakcyny, jakaja ŭ razy źnižaje ryzyku recydyvu i śmiarotnaści ad miełanomy. Testy, pavodle acenak raspracoŭščykaŭ, prajšli paśpiachova.
Respandentami stali ludzi, jakim vydalali miełanomu chirurhičnym šlacham. Kala 79% tych, kamu ŭviali preparat Keytruda razam z novaj vakcynaj, znachodzilisia ŭ remisii paradku 18 miesiacaŭ. Dla paraŭnańnia: lačeńnie tolki Keytruda dało stanoŭčuju dynamiku ŭ 62% pacyjentaŭ, piša Bloomberg.
Pabočnyja efiekty ad kambinacyi preparata z vakcynaj akazalisia nieistotnaj i tyčyłasia ŭ asnoŭnym padvyšanaj stomlenaści. Taksama paviedamlajecca, što vakcyna była stvoranaja dla kožnaha respandenta z ulikam hienietyčnych paśladoŭnaściaŭ jaho puchlin.
U płanach u raspracoŭščykaŭ — bolš maštabnyja vyprabavańni. Kali jany daduć vynik, to supraćrakavuju vakcynu, jak čakajecca, uchvalać dla vykarystańnia ŭ ZŠA.
Miełanoma — adna z samych ahresiŭnych form raku skury, jaje asablivaść — chutkaje raspaŭsiudžvańnie na inšyja orhany.
Ciapier čytajuć
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ6
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary