Niama humanitarnaha kalidora dla evakuacyi z Hazy ŭ bok Jehipta, tamu pakul nie ŭdajecca vyvieźci adtul biełaruskich hramadzian. Ambasadar Biełarusi ŭ Izraili Jaŭhien Varabjoŭ dadaŭ, što dla arhanizacyi hetaha zroblena ŭsio, što ŭ siłach dypłamataŭ.
«Dumaju, što hetaja praca ŭviančajecca pośpiecham», — pryvodzić jaho słovy BiełTA.
Varabjoŭ paviedamiŭ, što na hety momant viadoma ab troch zahinułych hramadzianach Biełarusi, dvoje ź jakich zahinuli na poŭdni Izraila ŭ pieršyja dni kanfliktu. Jašče adna biełaruskaja hramadzianka była ciažka paranienaja ŭ vyniku pramoha traplańnia rakiety ŭ žyły dom. Tydzień tamu jana pamierła ŭ balnicy. Jaje cieła pry sadziejničańni pasolstva było dastaŭlena ŭ Biełaruś dla pachavańnia.
Taksama viadoma pra hibiel troch vychadcaŭ ź Biełarusi, jakija byli hramadzianami Izraila i daŭno žyli na jaho terytoryi.
Raniej było viadoma pra hibieli 25-hadovaj Aleny Astapienka, jakaja naradziłasia ŭ Rečycy i pracavała ŭ palicyi, a taksama śledčaha Vitala Karasika, jaki pachodziŭ z Mahilova.
Mižnarodny aeraport Izraila praciahvaje pracavać, i košt kvitkoŭ užo pamienšaŭ, adznačyŭ pasoł.
U dypmisii taksama viaduć ulik usich hramadzian na vypadak źjaŭleńnia bolš zručnaha i chutkaha varyjanta viarnucca ŭ Biełaruś. Jaŭhien Varabjoŭ adznačyŭ, što, niahledziačy na atrymany dazvoł izrailskaha boku, sankcyi nie dajuć «Biełavii» realizavać pramy rejs ź Izraila ŭ Biełaruś.
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie15
Kamientary