U Klimavičach zładziei skrali siejf z dalarami i źniali videa, jak jaho ŭzłamali
Zładziei skrali ŭ Klimavičach sa zdymnaj kvatery mietaličny siejf z dalarami, ale pry hetym sami stvaryli važny rečavy dokaz svajho złačynstva, paviedamiŭ Śledčy kamitet.
Zdareńnie adbyłosia ŭ kancy lipienia. Paciarpieły ź siamjoj u toj dzień jeździŭ u Minsk. Viarnuŭšysia ž dachaty, pabačyŭ, što zładziei vynieśli ź jahonaj kvatery siejf. Złamyśnikaŭ, mužčyn 40 i 42 hadoŭ, zatrymali ŭžo praź niekalki dzion.
Kab trapić u kvateru šmatpaviarchovika, adzin z mužčyn spuściŭsia z dachu na niezašklony bałkon na piatym paviersie. Paśla jon adčyniŭ dźviery svajmu tavaryšu. Złodziei dziejničali vielmi aściarožna i ŭ kvatery amal nie pakinuli śladoŭ. Pakolki siejf nie źmiaściŭsia ŭ zaplečnik, to jany jaho vynieśli na rukach.
Skončyŭšy spravu z vynasam siejfa, złamyśniki vyjechali za horad. Tam jany na bierazie voziera spalili svajo adzieńnie i z dapamohaj padrychtavanych instrumientaŭ adčynili siejf. Pry hetym adzin ź ich zdymaŭ uvieś praces na mabilny telefon.
Ciapier videa z taho telefona dałučana da kryminalnaj spravy. Jaje raspačali pa fakcie «kradziažu, jaki ździejśnieny arhanizavanaj hrupaj u asabliva bujnym pamiery«.
U siejfie było bolš za 25 tysiač dalaraŭ. Častku hrošaj mužčyny, jakija i raniej byli sudzimyja, paśpieli patracić — kupili rovar, załatyja vyraby dy inšaje.
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»31
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary