Biełaruski PEN i Mižnarodny sajuz biełaruskich piśmieńnikaŭ abviaščajuć pryjom zajavak na ŭdzieł u XII siezonie litaraturnaj premii imia Ježy Hiedrojcia.
Tradycyjna žury vyznačyć try najlepšyja knihi (pieršaje, druhoje, treciaje miescy) u žanry mastackaj abo dakumientalnaj prozy, vydadzienyja ŭ 2022 hodzie, nahadvaje «Budźma».
Padavacca na premiju majuć prava i łaŭreaty minułych hadoŭ, a ŭ konkursie moža ŭdzielničać lubaja kolkaść knih adnaho aŭtara.
Padrabiaźniej z rehłamientam možna aznajomicca tut.
Dla ŭdziełu ŭ premii treba budzie zapoŭnić google-formu i dasłać arhanizataram elektronny varyjant knihi ŭ farmacie tekstavaha dakumienta Microsoft Word abo PDF. Pry mahčymaści taksama — pieradać papiarovuju viersiju knihi.
Za chodam konkursu možna budzie sačyć na aficyjnych staronkach Premii:
- https://giedroyc.penbelarus.org/
- https://www.facebook.com/giedroyc.by
- https://www.instagram.com/giedroyc.by/
- https://t.me/PENBelarus
Premija imia Ježy Hiedrojcia — najbujniejšaja niezaležnaja litaraturnaja premija Biełarusi, jakaja ŭručajecca z 2012 hoda. Napačatku jaje spansiravaŭ «Ideja-bank», a pieršym uładalnikam byŭ Pavieł Kaściukievič za knihu «Zbornaja Biełarusi pa niehałoŭnych vidach sportu».
Jaje łaŭreatami ŭ roznyja siezony stanavilisia Uładzimir Niaklajeŭ, Siarhiej Dubaviec, Viktar Kaźko, Ihar Babkoŭ, Jeva Viežnaviec. Letaś u konkursie pieramoh Siarhiej Abłamiejka sa svajoj knihaj «Nieviadomy Miensk. Historyja źniknieńnia. Kniha pieršaja».
-
U Hrodnie vyrašajuć, jak adnavić Kałožu, kab jaje nie admovilisia ŭziać u śpis JUNIESKA
-
Takoha dziciačaha sadka vy jašče nie bačyli. Jaho sprajektavaŭ łaŭreat «architekturnaha Nobiela»
-
Stračvała prytomnaść ad hoładu, zarablała na žyćcio masažam — zachaplalnyja fakty ź bijahrafii Ałaizy Paškievič, jakoj siońnia 150 hadoŭ
Były ministr kultury Rusłan Čarniecki znajšoŭ sabie padpracoŭku9
Kamientary