«Biełarusy, ja nami hanarusia!» Śviatłana Cichanoŭskaja źviarnułasia da biełarusaŭ pa vynikach marafonu «Nam nie ŭsio adno!»
Lidarka biełaruskich demakratyčnych sił Śviatłana Cichanoŭskaja adrazu paśla zakančeńnia marafonu «Nam nie ŭsio adno!», padčas jakoha sabrali danataŭ na ahulnuju sumu 574 356 jeŭra, źviarnułasia da biełarusaŭ, u jakim vykazała słovy padziaki i zachapleńnia za taki fantastyčny vynik. Jaje zvarot tak i nazyvajecca — «Biełarusy, ja nami hanarusia!».
«Ja dziakuju kožnamu, chto achviaravaŭ hrošy. Dziakuju aktyvistam, palitykam, pravaabaroncam i artystam, jakija ŭziali ŭdzieł u marafonie. Vialiki dziakuj usim žurnalistam i niezaležnym biełaruskim miedyja, jakija abjadnalisia vakoł adnoj mety. I, viadoma, davajcie razam padziakujem Voli Harbunovaj i jaje kamandzie za arhanizacyju takoj inicyjatyvy — heta tak važna dla ŭsich nas.
Hety marafon znoŭ daŭ vieru ŭ toje, što my, biełarusy, zdolnyja abjadnacca.
My zdolnyja dapamahać adno adnamu, dzie b my ni znachodzilisia. Razam my znoŭ pakazali ŭsiamu śvietu, što nam nie ŭsio adno na losy tych, chto ciapier znachodzicca ŭ zakładnikach režymu.
Darahija, pamiatajcie hałoŭnaje — dla dapamohi adno adnamu nie patrebnaja niejkaja nahoda ci asablivaja data.
Salidarnaść i ŭzajemny kłopat zaŭsiody byli i buduć našaj siłaj. A ich vynik — tak raduje i zaradžaje natchnieńniem usich nas. Ja zaŭsiody kažu, što vieru ŭ biełarusaŭ. I vy, maje darahija, taksama nie zabyvajciesia vieryć adno ŭ adnaho», — skazała Śviatłana Cichanoŭskaja.
Ciapier ciaham tydnia ŭsie sabranyja hrošy naziralnaja rada na čale z pradstaŭnicaj Abjadnanaha pierachodnaha kabinieta Volhaj Harbunovaj maje raźmierkavać pamiž 13-ciu inicyjatyvami i fondami, jakija zajmajucca akazańniem padtrymki palitźniavolenym. Paśla ŭ arhanizacyj budzie dva miesiacy na toje, kab nakiravać dapamohu palitźniavolenym i ich blizkim.
Užo ŭ listapadzie Cichanoŭskaja abiacaje dać pra ŭsie hetyja pracesy publičnuju spravazdaču.
Čytajcie taksama:
Marafon «Nam nie ŭsio adno!» finišavaŭ, kančatkovaja sabranaja suma — 574 356 jeŭra
Śviatłana Kurs prapanavała pravieści jašče adzin marafon — dla biełaruskich vajaroŭ
-
Ajcišnikaŭ, jakija absłuhoŭvali «Biełsat», abvinavacili ŭ vyvadzie 1,8 młn dalaraŭ praź fiktyŭnyja pasłuhi
-
Viktar Łukašenka zaśviaciŭ na pasiadžeńni NAK svoj hadzińnik — ciažki luks
-
Viačorka: Cichanoŭskaja z Koŭłam abmiarkoŭvała varyjant z amnistyjaj, pry jakoj nie adkryvajucca novyja spravy i spyniajucca minułyja
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks21
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki1717
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki17
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary