Na rasijskim telekanale dziaŭčynka pakazała žest, jaki ličycca mižnarodnym sihnałam ab dapamozie
U prahramie «Mužčynskaje i žanočaje» na Pieršym rasijskim kanale dziaŭčynka, čyje baćki stali hierojami vypusku «Suciažnictva», pakazała mižnarodny žest, jaki sihnalizuje pra chatni hvałt. Jana praciahnuła ruku za śpinaj u małodšaj siastry, raskryła dałoń u bok kamiery, sahnuła vialiki palec, a zatym achapiła jaho inšymi palcami.
Ci viedała dziaŭčynka, što aznačaje hety žest, jaki atrymaŭ raspaŭsiud padčas pandemii kavidu, kali praz karancin i inšyja abmiežavalnyja miery byŭ zafiksavany rost vypadkaŭ chatniaha hvałtu, dakładna nieviadoma. Adnak žest byŭ paŭtorany niekalki razoŭ. U hety momant dziaŭčynka raskazvała na kamieru, jak jana lubić mamu, jak piša «Mieduza».
U vypusku apaviadałasia pra toje, jak byłyja muž i žonka viaduć baraćbu za čatyrochhadovuju małodšuju siastru dziaŭčynki, jakaja pakazała žest ab dapamozie. U prahramie maci, u pryvatnaści, zhadvaje pra epizody hvałtu, abjektam jakoha była jana sama.
Mash śćviardžaje, što aŭtary prahramy paśla taho, jak hledačy «zavalili ich pytańniami», padali zajavu ŭ SK i ŭžo pačałasia pravierka. Aficyjna rasijski Śledčy kamitet zajaŭ z hetaj nahody na momant publikacyi naviny nie rabiŭ.
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»1
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary