BYPOL zaprasiŭ pradstaŭnikoŭ Kaardynacyjnaj rady ŭvajści ŭ kamisiju dla finansavaha aŭdytu arhanizacyi
BYPOL raspačynaje zachady dla niezaležnaha finansavaha aŭdytu fundacyi BYPOL i stvaraje Nahladalnuju radu.
«Dziela vykanańnia adnaho z rašeńniaŭ, što było pryniataje kiraŭnicaj Abjadnanaha pierachodnaha kabinietu Biełarusi Śviatłanaj Cichanoŭskaj i pradstaŭnikami kalektyvu BYPOL, my raspačynajem praces stvareńnia Nahladalnaj rady fundacyi BYPOL, jakaja pavodle dziejnaha zakanadaŭstva adzinaja, chto moža inicyjavać praces niezaležnaha aŭdytu», — havorycca ŭ zajavie BYPOL, apublikavanaj u telehram-kanale.
Tam ža raźmieščany list za podpisam Alaksandra Azarava z prapanovaj da Kaardynacyjnaj rady vyłučyć troch pradstaŭnikoŭ u Nahladalnuju radu.
«Pra ŭsie vyniki my abaviazkova paviedamim, nam niama čaho chavać ad biełaruskaha naroda», — havorycca ŭ dopisie.
Nahadajem: na pačatku červienia ŭ BYPOL adbyŭsia skandał. Alaksandr Azaraŭ apublikavaŭ videa, u jakim zajaviŭ, što BYPOL straciŭ dostup da svaich miedyjaresursaŭ, usie paroli zastalisia ŭ rasparadžeńni byłoha supracoŭnika arhanizacyi Maćvieja Kuprejčyka, jaki admoviŭsia prajści palihraf, za što i byŭ zvolnieny z arhanizacyi.
Paźniej u telehram-kanale BYPOL źjaviŭsia zapis, u jakim abvinavačańni prahučali na adras samoha Alaksandra Azarava.
13 červienia APK abviaściŭ vyniki sustrečy BYPOL ź lidarkaj demakratyčnaj Biełarusi Śviatłanaj Cichanoŭskaj.
Chranałohiju kanfliktu ŭ «Bajpole» vy možacie pračytać tut.
Ciapier čytajuć
Chrysta Hrozieŭ: Mielnikava jak minimum hod, a chutčej za ŭsio, paŭtara pieradavała infarmacyju biełaruskim śpiecsłužbam8
Kamientary