BYPOL запрасіў прадстаўнікоў Каардынацыйнай рады ўвайсці ў камісію для фінансавага аўдыту арганізацыі
BYPOL распачынае захады для незалежнага фінансавага аўдыту фундацыі BYPOL і стварае Наглядальную раду.
«Дзеля выканання аднаго з рашэнняў, што было прынятае кіраўніцай Аб'яднанага пераходнага кабінету Беларусі Святланай Ціханоўскай і прадстаўнікамі калектыву BYPOL, мы распачынаем працэс стварэння Наглядальнай рады фундацыі BYPOL, якая паводле дзейнага заканадаўства адзіная, хто можа ініцыяваць працэс незалежнага аўдыту», — гаворыцца ў заяве BYPOL, апублікаванай у тэлеграм-канале.
Там жа размешчаны ліст за подпісам Аляксандра Азарава з прапановай да Каардынацыйнай рады вылучыць трох прадстаўнікоў у Наглядальную раду.
«Пра ўсе вынікі мы абавязкова паведамім, нам няма чаго хаваць ад беларускага народа», — гаворыцца ў допісе.
Нагадаем: на пачатку чэрвеня ў BYPOL адбыўся скандал. Аляксандр Азараў апублікаваў відэа, у якім заявіў, што BYPOL страціў доступ да сваіх медыярэсурсаў, усе паролі засталіся ў распараджэнні былога супрацоўніка арганізацыі Мацвея Купрэйчыка, які адмовіўся прайсці паліграф, за што і быў звольнены з арганізацыі.
Пазней у тэлеграм-канале BYPOL з'явіўся запіс, у якім абвінавачанні прагучалі на адрас самога Аляксандра Азарава.
13 чэрвеня АПК абвясціў вынікі сустрэчы BYPOL з лідаркай дэмакратычнай Беларусі Святланай Ціханоўскай.
Храналогію канфлікту ў «Байполе» вы можаце прачытаць тут.
-
У Беларусі прадаецца рэдкая манета, якую можна выкарыстоўваць як аб'ектыў у фотаапараце. Што за яна?
-
У беларускай краме ізраільскія авакада каштуюць танней, чым айчынныя агуркі
-
Беларусы расказалі, як 20 дзён хадзілі па арктычнай глухмені. Цяпер там ёсць перавалы Васіля Быкава і Уладзіміра Караткевіча
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары