Juryja Ziankoviča, jaki byŭ asudžany pa spravie ab «dziaržpieravarocie», źmiaščali ŭ ŠIZA, jon abviaščaŭ haładoŭku
Hramadzianina ZŠA Juryja Ziankoviča, jaki prachodziŭ pa «spravie zmoŭščykaŭ», adpraŭlali ŭ ŠIZA ŭ babrujskaj kałonii, tam jon abviaščaŭ haładoŭku, raspaviała prajektu «Małanka» jaho siastra Aksana.
Administracyja kałonii prymušała Juryja Ziankoviča vynosić viodry z ekskremientami i myć prybiralni paśla asudžanych ź nizkim sacyjalnym statusam. Heta adna z formaŭ cisku na viaźniaŭ z boku administracyi. Takim čynam viaźni mohuć pahoršyć svajo stanovišča ŭ kałonii pavodle niapisanych praviłaŭ asudžanych.
Pavodle siastry Ziankoviča, toj admoviŭsia i byŭ za heta pakarany, adsiadzieŭ 8 dzion u ŠIZA i abviaściŭ 8-dzionnuju haładoŭku.
Siastra raskazała, što na minułym tydni advakat nie zmoh trapić da Juryja Ziankoviča ŭ kałoniju ŭ Babrujsku.
Ziankoviča asudzili 2 vieraśnia pa «spravie zmoŭščykaŭ» da 11 hadoŭ kałonii va ŭmovach uzmocnienaha režymu. Jon abvinavačvaŭsia pa č. 1 art. 357 KK (zmova z metaj zachopu dziaržaŭnaj ułady niekanstytucyjnym šlacham), č. 1 art. 361-1 KK (stvareńnie ekstremisckaha farmiravańnia i kiravańnie im), č. 3 art. 361 KK (publičnyja zakliki da zachopu dziaržaŭnaj ułady), č. 3 art. 130 KK (raspalvańnie sacyjalnaj varožaści). Jaho dadali ŭ śpis «terarystaŭ».
Ziankovič całkam pryznaŭ vinu i, jak vyśvietliłasia, zaklučyŭ pahadnieńnie sa śledstvam, abaviazaŭšysia dapamahčy «vykryć» astatnich «zmoŭščykaŭ». Ziankovič, Alaksandr Fiaduta, Ryhor Kastusioŭ, Volha Hałubovič i Dzianis Kraŭčuk byli zatrymanyja ŭ krasaviku 2021 hoda.
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki40
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary