Ziankoviču — 11 hadoŭ, Kastusiovu i Fiadutu — pa 10 hadoŭ. Vyniesieny prysud pa «spravie zmoŭščykaŭ»
Minski abłasny sud vynies prysud da spravie ab sprobie dziaržpieravarotu.
Jurasiu Ziankoviču dali 11 hadoŭ pazbaŭleńnia voli; Alaksandru Fiadutu i Ryhoru Kastusiovu — pa 10 hadoŭ pazbaŭleńnia voli; Volzie Hałubovič i Dzianisu Kraŭčuku — pa 2,5 hoda pazbaŭleńnia voli.
Kryminalnuju spravu ab sprobie dziaržaŭnaha pieravarotu ŭ Biełarusi Minski abłasny sud pačaŭ razhladać 29 lipienia.
Pa spravie prachodzili Juryj Ziankovič, Alaksandr Fiaduta, Ryhor Kastusioŭ, jakija abvinavačvalisia ŭ zmovie, ździejśnienaj z metaj zachopu dziaržaŭnaj ułady niekanstytucyjnym šlacham (č. 1 art. 357 KK), i taksama Volha Hałubovič i Dzianis Kraŭčuk, jany abvinavačvalisia ŭ aktyŭnym udziele ŭ hrupavych dziejańniach, jakija hruba parušajuć hramadski paradak (č. 1 art. 342 KK).
Akramia hetaha, Ziankoviču inkryminavałasia stvareńnie ekstremisckaha farmavańnia i kiraŭnictva takim farmavańniem (č. 1 art. 361-1 KK), zakliki da zachopu dziaržaŭnaj ułady (č. 3 art. 361 KK), raspalvańnie sacyjalnaj varožaści, učynienaje hrupaj asob (č. 3 artykuła 130 KK).
Ziankovič całkam pryznaŭ vinu i, jak vyśvietliłasia, zaklučyŭ pahadnieńnie sa śledstvam, abaviazaŭšysia dapamahčy «vykryć» astatnich «zmoŭščykaŭ». Alaksandr Fiaduta vinu pryznaŭ častkova, Ryhor Kastusioŭ — nie pryznaŭ, Volha Hałubovič i Dzianis Kraŭčuk pryznali całkam.
Usie jany byli zatrymanyja ŭ krasaviku 2021 hoda.
Čytajcie taksama:
Fiaduta ŭ apošnim słovie na sudzie: Abvinavaŭca iranizuje, ci nie vysokija matyvy stali pryčynaj maich dziejańniaŭ. Ale, heta tak!
«Mama prasiła tatu syści z palityki». Dačka Ryhora Kastusiova pra baćkavu niavolu dy tryvožnyja naviny z-za krataŭ
Ciapier čytajuć
Biełarus raptoŭna i biez daj pryčyny źnik u 2006 hodzie, a praz 19 hadoŭ znajšoŭsia ŭ vioscy pad Smalenskam3
Kamientary