Hadžety armianskich žurnalistaŭ i pravaabaroncaŭ uzłamali špijonskaj prahramaj Pegasus
Siarod paciarpiełych — byłaja ŭpaŭnavažanaja pa pravach čałavieka.
Uzłomy pryład byli zadakumientavanyja z kastryčnika 2020-ha pa śniežań 2022 hoda.
Jak raskazali «Mieduzie» ŭ arhanizacyi Access Now, jakaja zajmajecca abaronaj ličbavych hramadzianskich pravoŭ pa ŭsim śviecie, uskosnyja źviestki śviedčać pra toje, što ŭzłomy mohuć być źviazanyja z vajennym kanfliktam pamiž Armienijaj i Azierbajdžanam u Nahornym Karabachu.
Heta pieršaje zadakumientavanaje śviedčańnie vykarystańnia špijonskaha prahramnaha zabieśpiačeńnia Pegasus u kantekście mižnarodnaj vajny, jak śćviardžajecca ŭ rasśledavańni.
Siem čałaviek, jakija paciarpieli ad uciečki, raskryli svaje imiony. Siarod ich — žurnalisty armianskaj słužby «Radyjo Svaboda», były pres-sakratar MZS Armienii i byłyja ŭpaŭnavažanyja pa pravach čałavieka ŭ Armienii i Nahornym Karabachu.
Piaciora astatnich, čyje pryłady Apple taksama byli zaražanyja Pegasus, vyrašyli zachavać ananimnaść pa asabistych i prafiesijnych pryčynach.
Siarod ich — dva žurnalisty, aktyvist, pradstaŭnik armianskaj hramadzianskaj supolnaści, a taksama pradstaŭnik AAN, jaki nie atrymaŭ zhody pracadaŭcy na toje, kab vystupać u publičnym poli.
Kamientary
Vied́ čto nie napiši, tiebia vsieŕjez nikto nie vosprinimajet!